ਦੁੱਖਭੰਜਨ ਰੰਧਾਵਾ
0351920036369
ਕੋਈ ਜਨਮ-ਜਨਮ ਦਾ
ਰਿਸ਼ਤਾ ਏ ਪਤਾ ਏ ਮੈਨੂ਼ੰ |
ਕਹਿ ਛੱਡਿਆ ਏ ਆਪਾ ਨੇਂ
ਆਪਣੀ ਜੇ ਤੈਨੂੰ |
ਫਿਕਰ ਕਰੀਂ ਨਾ ਭੋਰਾ ਤੈਨੂ਼ੰ,
ਤੇਰਾ ਬਣਕੇ ਵੀ ਵਿਖਾਵਾਂਗਾ |
ਤੈਥੋਂ ਖੁਸੀ਼ ਦਾ ਸਾਗਰ ਵਾਰ ਦਿਆਂ,
ਜਲ-ਜਲ ਤੇਰੇ ਲਈ ਹੋਵੇਗਾ,
ਤੇ ਮੈਂ ਜ਼ਹਿਰ ਸਾਰਾ ਪੀ ਜਾਵਾਂਗਾ |
ਮੈਂ ਤਾਂ ਪੱਥਰ ਹੋ ਕੇ ਜੀਲਾਂਗਾ,
ਪੱਥਰ ਤੈਨੂ਼ੰ ਨਈਂ ਰਹਿਣ ਦੇਣਾਂ |
ਤੇਰਾ ਹਰ ਤਸੀਹਾ ਝੱਲਾਂਗਾ,
ਤੈਨੂੰ ਭੋਰਾ ਵੀ ਦੁੱਖ ਨਈਂ ਸਹਿਣ ਦੇਣਾਂ |
ਨੀ ਮੈ ਬਾਜੀ਼ ਹਰ ਇੱਕ ਜਿੱਤ ਲੈਨਾਂ,
ਤੈਨੂੰ ਵੀ ਨਾਲ ਜੀਤਾਵਾਂਗਾ |
ਜਲ-ਜਲ ਤੇਰੇ ਲਈ ਹੋਵੇਗਾ
ਸਾਡਾ ਜਨਮ-ਜਨਮ ਦਾ ਸਾਥ ਜਿੰਦੇ,
ਤੈਨੂੰ ਪਤਾ ਏ ਤਾਂ ਹੀ ਕਰਨੀ ਏਂ |
ਨੀ ਮੈਂ ਬੈਠਾ ਪਾਰ ਸਮੁੰਦਰ ਤੋਂ,
ਤੇ ਤੂੰ ਸਾਹ ਸਾਹੀਂਂ ਮੇਰੇ ਭਰਨੀ ਏ |
ਨੀ ਜੇ ਪੱਤਣ ਤਰਨੇਂ ਪੈ ਗਏ ਪੰਜ,
ਉਹਨਾਂ ਨੂੰ ਵੀ ਮੈਂ ਤਰਜਾਵਾਂਗਾ |
ਜਲ- ਜਲ ਤੇਰੇ ਲਈ ਹੋਵੇਗਾ
ਨੀ ਤੇਰੇ ਮੇਰੇ ਵਿੱਚ ਜੇਕਰ ਆਇਆ,
ਮੈ ਉਸ ਰੱਬਦੇ ਨਾਲ ਵੀ ਲੜ ਜਾਣੈਂ |
ਤੈਨੂੰ ਤੱਤੀ ਵਾ ਨਈਂ ਲੱਗਣ ਦੇਣੀਂ,
ਖੁਦ ਆਪ ਮੈਂ ਅੱਗ ਵਿੱਚ ਸੜ ਜਾਣੈਂ |
ਮੈਨੂੰ ਹੀਰੇ ਰਤਨਾਂ ਵਰਗੀ ਤੂੰ,
ਤੈਨੂੰ ਚੀਰੇ ਉੱਤੇ ਜੜਾਵਾਗਾ |
ਜਲ-ਜਲ ਤੇਰੇ ਲਈ ਹੋਵੇਗਾ
ਤੂੰ ਮੈਨੂੰ ਸੌ ਦੁੱਖਾਂ ਦੇ ਦਾਰੂ ਜਈ,
ਤੈਨੂੰ ਪੀ ਲਾਂ ਤੇ ਮੈਂ ਠਰ ਜਾਵਾ |
ਕਦੇ ਐਸਾ ਸੂਰਜ ਨਾ ਨਿਕਲੇ,
ਕਿ ਤੈਨੂੰ ਦੇਖੇ ਬਿਨਾ ਮੈਂ ਮਰ ਜਾਵਾਂ |
ਤੇਰੇ ਗਲ ਲੱਗੇ ਬਿਨਾਂ ਨਾ ਮੌਤ ਆਵੇ,
ਨੀ ਮੈਂ ਮੌਤ ਨਾਲ ਵੀ ਲੜਜਾਵਾਂਗਾ |
ਜਲ-ਜਲ ਤੇਰੇ ਲਈ ਹੋਵੇਗਾ
ਨੀ ਦੁੱਖਭੰਜਨ ਜਾਣੇਂ ਦੁੱਖਾਂ ਨੂੰ,
ਉਹਨਾਂ ਉਸਤੋਂ ਕੀ ਲੈਣਾਂ ਏ |
ਓ ਬਲਦੇ ਅੰਗਿਆਰੇ ਕੋਇਲਿਆਂ ਦੇ,
ਉਹਨਾਂ ਰਹਿ-ਰਹਿ ਉਸ ਵਿੱਚ ਡਹਿਣਾ ਏ |
ਮੈਂ ਅੱਗ ਵੀ ਪੀ ਕੇ ਦੇਖਾਂਗਾ,
ਤੇ ਅੱਗ ਦੀ ਪਾਨ ਚੜਾਵਾਂਗਾ |
ਜਲ-ਜਲ ਤੇਰੇ ਲਈ ਹੋਵੇਗਾ
