ਰਜਨੀ ਵਾਲੀਆ, ਕਪੂਰਥਲਾ
ਅੱਜ ਕਣੀਆਂ ਦਾ ਮੌਸਮ ਵੇ,
ਤੇਰੀ ਯਾਦ ਪਈ ਆਵੇ |
ਵੇ ਉੱਤੋਂ ਸੌਣ ਮਹੀਨਾ,
ਬਾਗੀਂ ਕੋਇਲ ਗਾਵੇ |
ਅੱਜ ਕਣੀਆਂ ਦਾ ਮੌਸਮ ਵੇ
ਪਿੱਪਲੀਂ ਪੀਘਾਂ ਲੈਣ ਹੁਲਾਰੇ,
ਵੇ ਮੈਂ ਤਾਂ ਤੈਨੂੰ ਤੱਕਣਾਂ ਸੀ |
ਹੁੰਦਾ-ਹੁੰਦਾ ਮੋਹ ਵੀ ਹੋ ਗਿਆ,
ਦਿਲ ਮੈਂ ਕਿੰਨਾਂ ਕੂ ਡੱਕਣਾਂ ਸੀ |
ਕਿੰਨਾਂ ਚੰਗਾ ਤੂੰ ਵੇ ਤੈਨੂੰ ਸਾਹ ਸਲਾਏ |
ਅੱਜ ਕਣੀਆਂ ਦਾ ਮੌਸਮ ਵੇ
ਬੋਲੀਆਂ ਪਾਵਣ ਸਖੀਆਂ ਤੂੰ,
ਬੋਲੀ ਪਾਵਣ ਆ ਜਾ |
ਤੇਰਾ ਨਾ ਲੈ-ਲੈ ਕੇ ਨੱਚਦੀ,
ਵੇ ਇੱਕ ਗੇੜੀ ਲਾ ਜਾ |
ਤੂੰ ਕਿੱਥੇ ਮੈਂ ਕਿੱਥੇ,
ਵੇ ਜਿੰਦ ਟੰਗੀ ਫਾਏ |
ਅੱਜ ਕਣੀਆਂ ਦਾ ਮੌਸਮ ਵੇ
ਤੇਰੇ ਨਾਲ ਹਾਸੇ ਤੇਰੇ,
ਨਾਲ ਰਜਨੀ ਦੀਆਂ ਚਾਵਾਂ |
ਤੈਨੂ਼ੰ ਨਜ਼ਰ ਨਾ ਲੱਗ ਜਾਵੇ,
ਮੈਂ ਮੰਗਾਂ ਦੁਆਵਾਂ |
ਜਿੱਥੇ ਵੀ ਤੂੰ ਹੋਵੇਂ ਤੇਰੀ,
ਰੱਬ ਉਮਰ ਵਧਾਏ |
ਅੱਜ ਕਣੀਆਂ ਦਾ ਮੌਸਮ ਵੇ
