ਰਜਨੀ ਵਾਲੀਆ, ਕਪੂਰਥਲਾ
ਵੇ ਪਹਿਲਾਂ ਕਰਤੀ ਧੀ ਪਰਾਈ,
ਮੇਰਿਆ ਬਾਬਲਾ |
ਫੇਰ ਤੈਨੂੰ ਸੁੱਤਿਆਂ ਜਾਗ ਨਾ ਆਈ,
ਮੇਰਿਆ ਬਾਬਲਾ |
ਵੇ ਫੜਕੇ ਹੱਥ ਖਿਡਾਇਆ ਜਿਨੂੰ,
ਧੀ ਓ ਡੋਲੀ ਪਾਉਣੀਂ ਪੈ ਗਈ |
ਤੂੰ ਜੀਹਦੇ ਲਈ ਹੌਕਾ ਭਰਿਆ,
ਓ ਹੌਕਾ ਹੌਕਾ ਹੋ ਕੇ ਰਹਿ ਗਈ |
ਅੱਜ ਹੰਝੂਆਂ ਛਹਿਬਰ ਲਾਈ |
ਮੇਰਿਆ ਬਾਬਲਾ
ਮੈਂ ਖੇਡੀ ਸੀ ਜਿੰਨਾਂ ਦੇ ਨਾਲ,
ਓ ਮੇਰੇ ਨਿੱਕੇ-ਨਿੱਕੇ ਖਿਡੌਣੇਂ |
ਜਦ ਤੂੰ ਜਾਣਾਂ ਸੀ ਦੁਨੀਆਂ ਤੋਂ,
ਹੱਸਦਿਆਂ ਨੂੰ ਪੈ ਗਏ ਰੋਣੇਂ |
ਰੂਹ ਰੋ-ਰੋ ਪਾਵੇ ਦੁਹਾਈ |
ਮੇਰਿਆ ਬਾਬਲਾ
ਲੈ ਕੇ ਜਿਹੜੀ ਬੱਸ ਤੇ ਮੈਨੂੰ,
ਜਾਂਦਾ ਹੁੰਦਾ ਸੀ ਤੂੰ ਪੜਨੇਂ |
ਪੜੀ ਲਿਖੀ ਮੈਂ ਮਿਹਨਤ ਕਰ-ਕਰ,
ਸੀ਼ਟ ਤੇ ਚੰਗੇ ਨੰਬਰ ਚੜਨੇਂ |
ਮੈਂ ਅੱਜ ਓਸੇ ਈ ਬੱਸ ਤੇ ਆਈ |
ਮੇਰਿਆ ਬਾਬਲਾ
ਸੀ ਤੈਨੂੰ ਪਤਾ ਤੂੰ ਤੁਰ ਜਾਣਾਂ,
ਰਜਨੀ ਦੇ ਨਾਲ ਗੱਲ ਕਰਾਦੋ |
ਦੁਨੀਆਂ ਤੋਂ ਹੁਣ ਰੁਖਸਤੀ ਮੇਰੀ,
ਏ ਮੇਰੀ ਤਾਂ ਰੀਝ ਪੁਗਾਦੋ |
ਤੇਰੀ ਗੱਲ ਨਾ ਕਿਸੇ ਕਰਾਈ |
ਮੇਰਿਆ ਬਾਬਲਾ
ਤੈਨੂੰ ਮੇਰੀ ਫਿਕਰ ਸੀ ਡਾਢੀ,
ਏਸੇ ਲਈ ਮੇਰਾ ਹੇਜ ਸੀ ਕਰਦਾ |
ਸੀ ਮੇਰਾ ਬਾਬਲਾ ਰਾਹ ਦਸੇਰਾ,
ਮੇਰੇ ਕਦਮੀਂ ਕਦਮ ਸੀ ਧਰਦਾ |
ਅੰਬਰੀਂ ਭਰਦੈ ਚੰਨ ਗਵਾਈ |
ਮੇਰਿਆ ਬਾਬਲਾ
