ਕੋਵਿਡ-19 ਅੱਪਡੇਟ:ਇਕ ਹੋਰ ਨਵਾਂ ਕੇਸ
ਔਕਲੈਂਡ 24 ਜੂਨ (ਹਰਜਿੰਦਰ ਸਿੰਘ ਬਸਿਆਲਾ)
ਨਿਊਜ਼ੀਲੈਂਡ ਦੇ ਵਿਚ ਕਰੋਨਾ ਦੇ ਕੇਸ ਦੁਬਾਰਾ ਆਉਣ ਲੱਗੇ ਹਨ ਅਤੇ ਹੁਣ ਇਹ ਗਿਣਤੀ 11 ਤੱਕ ਪਹੁੰਚ ਗਈ ਹੈ। ਅੱਜ ਇਕ ਹੋਰ ਕੇਸ ਦੇ ਵਿਚ ਵਾਧਾ ਹੋਇਆ ਜੋ ਕਿ 60 ਸਾਲਾ ਭਾਰਤੀ ਮੂਲ ਦੀ ਔਰਤ ਹੈ। ਇਹ ਔਰਤ 18 ਜੂਨ ਨੂੰ ਦਿੱਲੀ ਤੋਂ ਔਕਲੈਂਡ ਪਹੁੰਚੀ ਫਲਾਈਟ ਦੇ ਵਿਚ ਇਥੇ ਆਈ ਸੀ। 10 ਕੇਸ ਇਸ ਵੇਲੇ ਔਕਲੈਂ ਦੇ ਵਿਚ ਹਨ ਅਤੇ 1 ਵਲਿੰਗਟਨ ਹੈ। ਸਾਰਿਆਂ ਨੂੰ ਕੁਆਰਨਟੀਨ ਸਹੂਲਤ ਘਰ ਦੇ ਵਿਚ ਰੱਖਿਆ ਗਿਆ ਹੈ ਅਤੇ ਕੋਈ ਵੀ ਹਸਪਤਾਲ ਦਾਖਲ ਨਹੀਂ ਹੈ। ਬੀਤੇ ਮੰਗਲਵਾਰ 9174 ਟੈਸਟ ਕੀਤੇ ਗਏ। 16 ਜੂਨ ਨੂੰ ਉਥੇ ਕਰੋਨਾ ਨੇ ਦੁਬਾਰਾ ਦਸਤਕ ਦਿੱਤੀ ਸੀ ਅਤੇ ਹੁਣ ਤੱਕ 45,000 ਟੈਸਟ ਹੋ ਚੁੱਕੇ ਹਨ।
