ਰਾਮ ਭਾਗੀਕੇ
ਜਦੋਂ ਸੱਚ ਨੂੰ ਦੱਬਿਆ ਜਾਣ ਲੱਗੇ,
ਤੇ ਝੂਠ ਹੀ ਅਸਲੀ ਪਛਾਣ ਲੱਗੇ,
ਸਭ ਚੌਧਰ ਦੀ ਕੁਰਸੀ ਲਈ ਫਿਰਦੇ ਨੇ,
ਬੰਨ੍ਹ ਬੰਨ੍ਹ ਕੇ ਡਾਰਾਂ ਐ ਜ਼ਿੰਦਗੀ,
ਇਸ ਮਤਲਬੀ ਜਿਹੀ ਦੁਨੀਆਂ ਵਿੱਚ
ਤੈਨੂੰ ਕਿਵੇਂ ਗੁਜ਼ਾਰਾਂ ਐ ਜ਼ਿੰਦਗੀ..?
ਇਸ ਬੇਕਦਰੀ ਜਿਹੀ ਦੁਨੀਆਂ ਵਿੱਚ…..
?ਇੱਥੇ ਧਰਮ ਦੇ ਨਾਂ ‘ਤੇ ਵੰਡਦੇ ਨੇ,
ਇੱਕ ਦੂਜੇ ਨੂੰ ਇਹ ਭੰਡਦੇ ਨੇ,
ਬਾਣੀ ਵੀ ਜ਼ਾਤਾਂ ਵਿੱਚ ਵੰਡੀ ਗਈ,
ਦੁੱਖ ਕਿਵੇਂ ਸਹਾਰਾਂ ਐ ਜ਼ਿੰਦਗੀ..
ਤੈਨੂੰ ਕਿਵੇਂ ਗੁਜ਼ਾਰਾਂ ਐ ਜ਼ਿੰਦਗੀ..?
?ਇੱਥੇ ਹਰ ਕੋਈ ਲੁੱਟਣ ਨੂੰ ਫਿਰਦਾ ਏ,
ਪੈਸੇ ਲਈ ਜ਼ਮੀਰੋਂ ਗਿਰਦਾ ਏ,
ਮੇਰੇ ਦਿਲ ਵਿੱਚ ਕੁਝ ਕੁ ਜੋ ਖੁਵਾਹਿਸ਼ਾਂ ਨੇ,
ਖੁਦ ਕਿਵੇਂ ਮੈਂ ਮਾਰਾਂ ਐ ਜ਼ਿੰਦਗੀ..
ਇਸ ਬੇਕਦਰੀ ਜਿਹੀ ਦੁਨੀਆਂ ਵਿੱਚ…..
ਤੈਨੂੰ ਕਿਵੇਂ ਗੁਜ਼ਾਰਾਂ ਐ ਜ਼ਿੰਦਗੀ..?
? “ਰਾਮ ” ਬਚ ਕੇ ਰਹਿ ਤੇਜ਼ ਜਮਾਨੇ ਤੋਂ,
ਆਪਣੇ ਵਿੱਚ ਲੁਕੇ ਹੋਏ ਬੇਗਾਨੇ ਤੋਂ,
ਇੱਥੇ ਘਰ ਦੇ ਹੀ ਭੇਤੀ ਨੇ ਘਰ ਢਾਹੁੰਦੇ,
ਉਂਝ ਕਦੇ ਨਾ ਹਾਰਾਂ ਐ ਜ਼ਿੰਦਗੀ…
ਇਸ ਮਤਲਬੀ ਜਿਹੀ ਦੁਨੀਆਂ ਵਿੱਚ,
ਤੈਨੂੰ ਕਿਵੇਂ ਗੁਜ਼ਾਰਾਂ ਐ ਜ਼ਿੰਦਗੀ..?
