ਸਹਿਕਦੀ ਕਿਰਸਾਨੀ ਤੇ ਟਿੱਡੀ ਦਲ ਦਾ ਹਮਲਾ
ਗੰਗਾਨਗਰ (ਪੰਜ ਦਰਿਆ ਬਿਊਰੋ)
ਪਿੰਡ ਰੜੇਵਾਲਾ ਅਤੇ ਲਾਗਲੇ ਪਿੰਡਾਂ ਜੋ ਤਹਿਸੀਲ ਸ਼੍ਰੀ ਕਰਨਪੁਰ ਜਿਲ੍ਹਾ ਗੰਗਾਨਗਰ ਵਿੱਚ ਸ਼ਾਮਲ ਹਨ ਵਿਖੇ ਅੱਜ ਦੁਪਹਿਰ ਵੇਲੇ ਟਿੱਡੀ ਦਲ ਨੇ ਹਮਲਾ ਕਰਕੇ ਨਰਮਾ ਤਬਾਹ ਕਰ ਦਿੱਤਾ। ਮਿਲੀ ਜਾਣਕਾਰੀ ਅਨੁਸਾਰ ਟਿੱਡੀ ਦਲ ਦਾ ਹਮਲਾ ਐਨਾ ਭਿਆਨਕ ਸੀ ਕਿ ਥੋੜ੍ਹੇ ਸਮੇਂ ਵਿੱਚ ਹੀ ਖੇਤਾਂ ਦੇ ਖ਼ੇਤ ਚੱਟ ਕਰ ਦਿੱਤੇ। ਜਿਲ੍ਹਾ ਗੰਗਾ ਨਗਰ ਦੇ ਕਿਸਾਨਾਂ ਨੇ ਰਾਜਸਥਾਨ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਟਿੱਡੀ ਦਲ ਤੇ ਕੀਟ ਨਾਸ਼ਕ ਜ਼ਹਿਰਾਂ ਦਾ ਛਿੜਕਾਅ ਕਰ ਕੇ ਇਸ ਮੁਸੀਬਤ ਤੋਂ ਛੁਟਕਾਰਾ ਦਿਵਾਇਆ ਜਾਵੇ।
