ਮਲੰਗ

ਮਸਤ ਮਲੰਗ ਚਾ ਕੀਤੀ ਸੂ
ਮੇਰੀ ਜਿੰਦ ਤੰਗ ਚਾ ਕੀਤੀ ਸੂ
ਨਜ਼ਰੋਂ ਪੱਥਰ ਭੰਨਣ ਵਾਲੀ
ਫੜਕੇ ਵੰਗ ਚਾ ਕੀਤੀ ਸੂ

ਕਿਹੜੀ ਕਣੀ ਪਈ ਏ ਵਰ੍ਹਦੀ
ਪੈਲਾਂ ਬਿਨ ਬਦਲਾਂ ਤੋਂ ਭਰਦੀ
ਮੋਰਨੀ ਬੱਗੇ ਖੰਭਾਂ ਵਾਲੀ
ਰੰਗੋਂ ਰੰਗ ਚਾਅ ਕੀਤੀ ਸੂ

ਹੁਣ ਨਾਂ ਸੱਪ ਪਿਟਾਰੀ ਪੈਂਦੇ
ਜ਼ਹਿਰੀ ਉਡ-ਉਡ ਵੱਢਣ ਪੈਂਦੇ
ਸਾਡੇ ਨੈਣ ਪਿਆਲੇ ਮਧੁਰਾ
ਸੂਹੀ ਸੰਗ ਚਾਅ ਕੀਤੀ ਸੂ

ਕਾਲੇ ਕਰ ਛੱਡੇ ਇਸ ਜਾਦੂ
ਹੋਇਆ ਰਹਿੰਦਾ ਦਿਲ ਬੇਕਾਬੂ
ਲਾ ਕੇ ਦਿਲ ਦੇ ਅੰਦਰ ਅੱਗਾਂ
ਮਸਤੀ ਭੰਗ ਚਾਅ ਕੀਤੀ ਸੂ

“ਰਾਵੀ” ਬਾਹਰ ਨੇ ਗੱਲਾਂ ਸਮਝੋਂ
ਆਸ਼ਕ ਜਾਣ ਪਛਾਣੇ ਰਮਜ਼ੋਂ
ਦੇ ਛੱਡ ਦਿਲ ਦੇ ਅੰਦਰ ਥਾਵਾਂ
ਐਸੀ ਮੰਗ ਚਾਅ ਕੀਤੀ ਸੂ

-ਰਾਵੀ ਕੌਰ
(ਨਿਊਯਾਰਕ)
rkaur445@gmail.com