ਅਮਰਜੀਤ ਚੀਮਾ
ਆਸ਼ਾਵਾਦੀ ਹੋ ਕੇ ਚਲੋ
ਨਿਰਾਸ਼ਾਵਾਦੀ ਢਹਿ ਜਾਂਦੇ ਨੇ .
ਰੱਖਦੇ ਜੋ ਨੇ ਬੁਲੰਦ ਹੋਂਸਲੇ
ਦੁੱਖ ਤਕਲੀਫ਼ਾਂ ਸਹਿ ਜਾਂਦੇ ਨੇ .
ਮੰਜ਼ਲਾਂ ਓਹੋ ਪਾ ਲੈਂਦੇ ਜੋ
ਰੱਖਦੇ ਨੇ ਮਜਬੂਤ ਇਰਾਦੇ .
ਮੂੰਹੋਂ ਕੱਢੇ ਬੋਲ ਪੁਗਾਉਂਦੇ
ਪੂਰੇ ਕਰਦੇ ਕੀਤੇ ਵਾਅਦੇ .
ਨਾਲ ਪਹਾੜਾਂ ਮੱਥਾ ਲਾਉਂਦੇ
ਰਾਹ ਆਪਣਾਂ ਉਹ ਆਪ ਬਣਾਉਂਦੇ .
ਸਿਰ ਤਲੀ ਤੇ ਰੱਖ ਕੇ ਤੁਰਦੇ
ਭੀੜ ਪੈਣ ਤੇ ਨਾ ਘਬਰਾਉਂਦੇ .
ਟੋਏ ਟਿੱਬੇ ਲੱਖਾਂ ਆਵਣ
ਕਿਸਮਤ ਅਪਣੀ ਉਹ ਆਪੇ ਲਿਖਦੇ .
ਹਿੰਮਤ ਨਾ ਉਹ ਹਾਰਨ ਚੀਮਾ
ਰੱਬ ਤੇ ਸਦਾ ਭਰੋਸਾ ਰੱਖਦੇ.
ਡਰ ਜਾਂਦੇ ਜੋ ਇਕ ਵਾਰੀ ਡਿਗ ਕੇ
ਜੀਵਨ ਵਿਚ ਪਿਛੇ ਰਹਿ ਜਾਂਦੇ ਨੇ .
ਵਿਚ ਤੂਫ਼ਾਨਾਂ ਡਰਦੇ ਨਹੀਂ
ਵਾਂਗ ਸਮੁੰਦਰਾਂ ਵਹਿ ਜਾਂਦੇ ਨੇ .
ਜ਼ਿੰਦਗੀ ਇਕ ਸੰਘਰਸ਼ ਹੈ ਯਾਰੋ
ਦੁਨੀਆਂ ਤਾਈਂ ਕਹਿ ਜਾਂਦੇ ਨੇ .
