ਹੱਥੀਂ ਕਿਰਤ ਕਰ ਕੇ ਰੋਟੀ ਕਮਾਉਣ ਵਾਲਿਆਂ ਨੂੰ ਮਜ਼ਦੂਰ ਦਿਹਾੜੇ ਦੀਆਂ ਬਹੁਤ ਬਹੁਤ ਮੁਬਾਰਕਾਂ,ਦੁਆਵਾਂ..! ਮਿਹਨਤਾਂ ਨੂੰ ਫਲ ਲੱਗਦੇ ਰਹਿਣ..!
ਰੋਟੀ ਲਈ ਸਭ ਜੱਗ ਤੇ ਝੇੜੇ ,
ਰੋਟੀ ਹੀ ਸਭ ਕਰੇ ਨਬੇੜੇ ,
ਰੋਟੀ ਅੱਲਾ,ਪੀਰ, ਖੁਦਾ ਐ ,
ਇਸਦਾ ਮਸਲਾ, ਅਲੱਗ ਜੁਦਾ ਐ,
ਕੁਝ ਨੂੰ ਮਿਲਦੀ ਸੌਖੀ ਝਟ ਹੀ ,
ਰੋਟੀ ਲਈ ਉਂਝ ਰੁਲਣ ਬਥੇਰੇ.!
ਰੋਟੀ ਲਈ ਸਭ ਜੱਗ ਤੇ ਝੇੜੇ ..!
ਕਰਨ ਗਜਾਵਾਂ, ਫਿਰਦੇ ਸਾਧੂ ,
ਇਕਨਾਂ ਦੇ ਭਾਗਾਂ ਵਿੱਚ, ਵਾਧੂ ,
ਰੋਟੀ ਬਿਨ ਐ ਕੂੜ, ਫ਼ਕੀਰੀ ,
ਨਾਲ ਰੋਟੀਆਂ ਵਸਦੇ ਖੇੜੇ.!
ਰੋਟੀ ਲਈ ਸਭ ਜੱਗ ਤੇ ਝੇੜੇ..!
ਕਿਰਤੀ ਹੱਕ ਦੀ ਰੋਟੀ ਖਾਵੇ,
ਨਾਲ ਮਿਹਨਤਾਂ ਜੱਗ ਰਜਾਵੇ,
ਮਿਹਨਤਕਸ਼ ਨਾ ਮਿਹਨਤ ਛੱਡੇ ,
ਬੇਸ਼ਕ ਰੱਟਣ ਪੈਣ ਬਥੇਰੇ..!
ਰੋਟੀ ਲਈ ਸਭ ਜੱਗ ਤੇ ਝੇੜੇ ,
ਰੋਟੀ ਹੀ ਸਭ ਕਰੇ ਨਬੇੜੇ ..!
ਕੁਝ ਜੱਗ ਦੇ ਦਸਤੂਰ ਵੀ,ਤੱਕ ਲੈ,
ਰੋਟੀ ਕਰੇ ਮਸ਼ਹੂਰ ਵੀ, ਤੱਕ ਲੈ ,
“ਹੈਪੀ” ਜਿਥੇ ਕਦਰ ਰਿਜ਼ਕ ਦੀ,
ਰੱਬ ਦੀ ਰਹਿਮਤ ਢੇਰ ਚੁਫੇਰੇ..!
ਰੋਟੀ ਲਈ ਸਭ ਜੱਗ ਤੇ ਝੇੜੇ ,
ਰੋਟੀ ਹੀ ਸਭ ਕਰੇ ਨਬੇੜੇ ..!
“ਹੈਪੀ ਚੌਧਰੀ “ ਟੋਰਾਂਟੋ (ਕਨੇਡਾ)
