ਦੁੱਖਭੰਜਨ ਰੰਧਾਵਾ
0351920036369
ਮਾਤਾ ਗੁਜਰੀ ਦਾ ਲਾਲ,
ਚਾਰੇ ਪੁੱਤਰਾਂ ਦਾ ਦਾਨੀ |
ਤੇਰੀ ਬਾਦਸ਼ਾਹੀ ਸੀ ਫਕੀਰੀ,
ਤੇ ਰੂਹ ਸੀ ਰੁਹਾਨੀ |
ਲਾ ਕੇ ਤੰਬੂ ਫੜਕੇ ਖੰਡਾ,
ਅੱਜ ਮਾਰੇ ਜੈਕਾਰੇ |
ਆਓ ਸੀਸ ਦੇਵੋ ਮੈਨੂੰ,
ਜਿਹੜੇ ਮੇਰੇ ਨੇਂ ਪਿਆਰੇ |
ਲਾ ਕੇ ਤੰਬੂ ਫੜਕੇ ਖੰਡਾ,
ਅੱਜ ਮਾਰੇ ਜੈਕਾਰੇ |
ਅੱਜ ਸ਼ਕਣਾ ਸ਼ਕਾ ਕੇ,
ਸੀ੍ ਸਾਹਿਬ ਗਲ ਪਾ ਕੇ |
ਤੁਰੂ ਅੱਜ ਕਿਹੜਾ-ਕਿਹੜਾ,
ਮੇਰੇ ਮੋਢੇ ਨਾਲ ਮੋਢਾ ਲਾ ਕੇ |
ਪੰਜਾਂ ਸੀਸਾਂ ਦੀ ਪਿਆਸ,
ਤੈਨੂੰ ਮੇਰੀ ਤਲਵਾਰੇ |
ਲਾ ਕੇ ਤੰਬੂ ਫੜਕੇ ਖੰਡਾ,
ਅੱਜ ਮਾਰੇ ਜੈਕਾਰੇ |
ਹੈ ਲਾਈ ਸੇ਼ਰਾਂ ਦੀ ਪਿਉਂਦ,
ਅੱਜ ਖਾਲਸਾ ਸਜਾ ਕੇ |
ਸਵਾ ਲੱਖ ਨਾ ਲੜਵਾਏ,
ਨੇਂ ਸੇ਼ਰ ਗਿੱਦੜੋਂ ਬਣਾ ਕੇ |
ਭਾਈ ਸਿਰੋਂ ਲਹਿਣ ਨਾ ਦੁਪੱਟੇ,
ਅੱਜ ਕਰਕੇ ਦੱਸੋ ਐਸੇ ਕਾਰੇ |
ਲਾ ਕੇ ਤੰਬੂ ਫੜਕੇ ਖੰਡਾ,
ਅੱਜ ਮਾਰੇ ਜੈਕਾਰੇ |
ਇੱਕ ਦਸੰਬਰ ਵਾਲੇ ਦਿਨ ਪਿਆ,
ਸੀ ਛੱਡਣਾ ਕਿਲਾ ਅਨੰਦਪੁਰ ਦਾ |
ਕਦਮਾਂ ਦੇ ਨਕਸਿ਼ਓ ਪਿਆ ਸੀ,
ਕੱਢਣਾ ਕਿਲਾ ਅਨੰਦਪੁਰ ਦਾ |
ਤੁਸੀਂ ਜਿੰਨਾਂ ਰਾਹਾਂ ਰਾਹੀਂ ਲੰਘੇ,
ਦਸ਼ਮੇਸ਼ ਜੀ ਸਭ ਸਵਾਰੇ |
ਲਾ ਕੇ ਤੰਬੂ ਫੜਕੇ ਖੰਡਾ,
ਅੱਜ ਮਾਰੇ ਜੈਕਾਰੇ |
ਬਾਈ ਦਸੰਬਰ ਸਰਸਾ ਨਦੀ,
ਸੀ ਲੈ ਪਰਿਵਾਰ ਵਿਛੋੜਾ ਆਈ |
ਸਰਬੰਸਦਾਨੀਆਂ ਤੇਰਾ ਧੰਨ,
ਕਲੇਜਾ ਤੇ ਸਾਡੀ ਹਾਲ ਦੁਹਾਈ |
ਚਾਰ ਦੁਲਾਰਿਆਂ ਵਿੱਚੋਂ ਦਾਦੀ,
ਦੇ ਕੋਲ ਨੇ ਦੋ ਦੁਲਾਰੇ |
ਲਾ ਕੇ ਤੰਬੂ ਫੜਕੇ ਖੰਡਾ,
ਅੱਜ ਮਾਰੇ ਜੈਕਾਰੇ |
ਤੇਈ ਦਸੰਬਰ ਵਾਲੇ ਦਿਨ ਤੁਸਾਂ,
ਵੱਡੇ ਸਨ ਲਾਲ ਗਵਾਏ |
ਸੀਅ ਨਾ ਕੀਤੀ ਹੰਝ ਨਾ ਕੇਰੀ,
ਸੀ ਤੇਰਾ ਧੰਨ ਕਲੇਜਾ ਮਾਏਂ |
ਲਾਲ ਜੋ ਕੀਤੇ ਦਾਨ ਤੂੰ ਦਾਤਾ,
ਓ ਜਾਂਦੇ ਨਈਂ ਵਿਸਾਰੇ |
ਲਾ ਕੇ ਤੰਬੂ ਫੜਕੇ ਖੰਡਾ,
ਅੱਜ ਮਾਰੇ ਜੈਕਾਰੇ
ਚੌਵੀ ਦਸੰਬਰ ਚਮਕੌਰ ਗੜੀ ਚ,
ਬਚੇ ਸਨ ਸਿੰਘ ਸ਼ਹੀਦੀ ਪਾ ਗਏ |
ਕੌਲ ਜੋ ਕੀਤੇ ਤੈਨੂੰ ਉਹਨਾਂ ਦੀ,
ਓ ਸਭ ਸਨ ਲਾਜ ਨਿਭਾ ਗਏ |
ਕਿਤਾਬਾਂ ਵਿੱਚ ਇਤਿਹਾਸ ਦੇ,
ਪੰਨੇ ਜਾਂਦੇ ਨਈਂ ਪਰਚਾਰੇ |
ਲਾ ਕੇ ਤੰਬੂ ਫੜਕੇ ਖੰਡਾ,
ਅੱਜ ਮਾਰੇ ਜੈਕਾਰੇ
ਪੱਚੀ ਦਸੰਬਰ ਬੀਬੀ ਹਰਚਰਨ,
ਕੌਰ ਸੀ ਆ ਗਈ ਵਿੱਚ ਸ਼ਹੀਦਾਂ |
ਚਕਨਾਚੂਰ ਹੋਇਆ ਧੁਰ ਅੰਦਰ,
ਚੰਗੀਆਂ ਨਾ ਲੱਗਣ ਈਦਾਂ |
ਕਦੇ ਪੂਰੇ ਨਾ ਹੋਏ ਲਾਲਾਂ ਦੇ,
ਜੋ ਸਾਨੂੰ ਲੱਗੇ ਕਸਾਰੇ |
ਲਾ ਕੇ ਤੰਬੂ ਫੜਕੇ ਖੰਡਾ,
ਅੱਜ ਮਾਰੇ ਜੈਕਾਰੇ |
ਛੱਬੀ ਅਤੇ ਸਤਾਈ ਦਸੰਬਰ ਸੀ,
ਸੂਬੇ ਦੀ ਲੱਗੀ ਕਚਹਿਰੀ |
ਦੁਸ਼ਮਣ ਆਪਣੀ ਜਨਣੀ ਦਾ,
ਤੇ ਸਿੱਖ ਪੰਥ ਦਾ ਵੈਰੀ |
ਕੱਖ ਵੀ ਰਿਹਾ ਨਾ ਸੂਬੇ ਦਾ,
ਸੀ ਪਈ ਜਦੋਂ ਤੂੰ ਹਾਰੇ |
ਲਾ ਕੇ ਤੰਬੂ ਫੜਕੇ ਖੰਡਾ,
ਅੱਜ ਮਾਰੇ ਜੈਕਾਰੇ |
ਅਠਾਈ ਦਸੰਬਰ ਵਾਲੇ ਦਿਨ,
ਲਈ ਸੀ ਲਾਲਾਂ ਨੀਹਾਂ ਵਿੱਚ ਸਮਾਧੀ |
ਦੂੱਖਭੰਜਨਾਂ ਵੇਖ ਦਲੇਰੀ ਲਾਲਾਂ ,
ਦੀ ਸੀ ਅੱਖ ਮੀਟ ਗਈ ਦਾਦੀ |
ਪਿਤਾ ਤੋਰਕੇ ਹਿੰਦ ਬਚਾਇਆ,
ਵਿੱਚ ਚਾਂਦਨੀ ਚੌਂਕ ਬਜ਼ਾਰੇ |
ਲਾ ਕੇ ਤੰਬੂ ਫੜਕੇ ਖੰਡਾ,
ਅੱਜ ਮਾਰੇ ਜੈਕਾਰੇ |
