ਦੁੱਖਭੰਜਨ ਰੰਧਾਵਾ
0351920036369
ਮੈਂ ਜਾਣੂ ਹਾਂ,
ਸੱਜਣ ਜੀ ਆਪਣੀ,
ਏਸ ਹਕੀਕਤ ਤੋਂ,
ਕਿ ਜੇ ਮੈਨੂੰ ਚਾਹੁਣਾ,
ਆ ਗਿਐ ਤਾਂ,
ਪਾਉਣਾ ਵੀ ਸਿੱਖ ਲਵਾਂਗਾ |
ਤੇ ਪਾ ਲਵਾਂਗਾ |
ਜੇ ਮੈਂ ਖੁਦ ਨੂੰ ਸਮਝਾ,
ਸਕਦਾਂ |
ਤੇ ਤੈਨੂੰ ਵੀ ਸਮਝਾ ਲਵਾਂਗਾ |
ਮੈਂ ਏਨੀਂ ਨੀਂਦ,
ਨਈਂ ਲੈਂਦਾ ਜਿੰਨੀ,
ਤੇਰੀ ਯਾਦ ਲੈ ਲੈਨਾ |
ਰੂ-ਬ-ਰੂ ਹੋਣ ਦਾ ਵੇਲਾ,
ਵੀ ਇੱਕ ਦਿਨ ਆਵੇਗਾ,
ਛੇਤੀ ਮੈਂ ਕਮਲੇ ਦਿਲ ਨੂੰ,
ਕਹਿ ਲੈਨਾਂ |
ਮੈਂ ਹਾਂ ਫਿਲਹਾਲ,
ਗਮ ਦੇ ਓਸ ਕਟਹਿਰੇ ਵਿੱਚ,
ਜੋ ਡਾਢੇ ਦੁੱਖ ਦੇਂਦਾ ਏ |
ਤੂੰ ਜਿਸ ਪਲ ਹੱਸ,
ਗੱਲਾਂ ਕਰ ਲਵੇਂ,
ਉਹੀ ਪਲ ਸੁੱਖ ਦੇਂਦਾ ਏ |
ਮੈਂ ਕੱਚੀ ਸਲੇਟੀ ਨਾਲ,
ਫੱਟੀ ਤੇ ਉੱਕਰੀ ਲਕੀਰ ਵਰਗਾ |
ਨੀ ਮੈਂ ਤੇਰੇ ਗਲ ਪਈ,
ਸੋਨੇ ਦੀ ਜੰਜੀਰ ਵਰਗਾ |
ਨੀ ਮੈਂ ਤੇਰੇ ਕੇਸਾਂ,
ਵਿੱਚ ਚੀਰ ਵਰਗਾ |
ਨੀ ਮੈਂ ਤੇਰੇ ਹੱਥਾਂ ਦੀ,
ਲਕੀਰ ਵਰਗਾ |
ਤੇਰਾ ਹੱਥ ਫੜ ਲਿਆ ਏ,
ਦੇਖੀਂ ਕਦੇ ਛੁੱਟਣਾ ਨਈਂ |
ਮੈਂ ਓ ਤਾਰਾ ਨੀ,
ਜਿੰਨੇ ਕਦੇ ਟੁੱਟਣਾ ਨਈਂ |
ਜਿੰਨੇ ਕਦੇ ਟੁੱਟਣਾ ਨਈਂ |
