ਕਦੇ ਮੰਨਣਾ ਚਾਹੀਦਾ

ਰਜਨੀ ਵਾਲੀਆ
ਕਦੇ ਮੰਨਣਾ ਚਾਹੀਦਾ,
ਕਦੇ ਮਨਾਉਣੀ ਚਾਹੀਦੀ |
ਬਸ ਇਵੇਂ ਹੀ ਜਿੰਦਗੀ ਲੰਘਾਉਣੀ ਚਾਹੀਦੀ |
ਕਦੇ ਫੁੱਲ ਬਣਕੇ,
ਤੇ ਕਦੇ ਕਲੀ ਬਣਕੇ,
ਪੂਰੇ ਆਲਮ ਚ ਮਹਿਕ ਖਿੰਡਾਉਣੀਂ ਚਾਹੀਦੀ |

ਦੁਖੀ ਨਾ ਕਰੀਏ ਮਨ ਨੂੰ,
ਕਦੇ ਦਿਲ ਤੇ ਲਾਈਏ ਨਾ |
ਇਹ ਭੌਰਿਆਂ ਵਾਂਗੂ ਉੱਡਦਾ,
ਜੇਕਰ ਸਮਝਾਈਏ ਨਾ |
ਜੇ ਜਿੰਦ ਧੜਕੇ ਨਾਲ ਤਾਂ,
ਜਿੰਦ ਧੜਕਾਉਣੀ ਚਾਹੀਦੀ |
ਕਦੇ ਮੰਨਣਾ ਚਾਹੀਦਾ,
ਕਦੇ ਮਨਾਉਣੀ ਚਾਹੀਦੀ |
ਬਸ ਇਵੇਂ ਹੀ ਜਿੰਦਗੀ ਲੰਘਾਉਣੀ ਚਾਹੀਦੀ |

ਪ੍ਰਵਾਹ ਤਾਂ ਕਰਦਾ ਇੱਕ,
ਕਿ ਮਤਲਬ ਸਭ ਕੱਢਦੇ |
ਬਾਂਹ ਫੜਕੇ ਰੱਖੇ ਇੱਕੋ,
ਕਿ ਰਾਹੇ ਸਭ ਛੱਡਦੇ |
ਆਪਣੀ ਸੋਚ ਦੀ ਰੇਤੀ,
ਖੂਬ ਘਸਾਉਣੀ ਚਾਹੀਦੀ |
ਕਦੇ ਮੰਨਣਾ ਚਾਹੀਦਾ,
ਕਦੇ ਮਨਾਉਣੀ ਚਾਹੀਦੀ |
ਬਸ ਇਵੇਂ ਹੀ ਜਿੰਦਗੀ ਲੰਘਾਉਣੀ ਚਾਹੀਦੀ |

ਜੇਕਰ ਆਪਣੇਂ ਤੋਂ ਵੱਧ,
ਵਿਸ਼ਵਾਸ ਮਿਲ ਜਾਵੇ |
ਬੇਆਸਿਆਂ ਦੇ ਵਿੱਚ,
ਜੇਕਰ ਆਸ ਮਿਲ ਜਾਵੇ |
ਤਾਂ ਨਜ਼ਰ ਬੱਸ ਆਸ,
ਤੇ ਟਿਕਾਉਣੀਂ ਚਾਹੀਦੀ |
ਕਦੇ ਮੰਨਣਾ ਚਾਹੀਦਾ,
ਕਦੇ ਮਨਾਉਣੀ ਚਾਹੀਦੀ |
ਬਸ ਇਵੇਂ ਹੀ ਜਿੰਦਗੀ ਲੰਘਾਉਣੀ ਚਾਹੀਦੀ |

ਝੂਠੀਆਂ ਕਹਾਣੀਆਂ ਨਾ,
ਕਦੇ ਵੀ ਘੜੀਏ |
ਜੋ ਸਮਝੇ ਤੁਹਾਨੂੰ,
ਨਾ ਉਹਦੇ ਨਾਲ ਲੜੀਏ |
ਇੱਕ ਦੂਜੇ ਵੱਲ ਬਣੀ,
ਜਾਣੀ-ਆਉਣੀ ਚਾਹੀਦੀ |
ਕਦੇ ਮੰਨਣਾ ਚਾਹੀਦਾ,
ਕਦੇ ਮਨਾਉਣੀ ਚਾਹੀਦੀ |
ਬਸ ਇਵੇਂ ਹੀ ਜਿੰਦਗੀ ਲੰਘਾਉਣੀ ਚਾਹੀਦੀ |

ਕੋਸਿ਼ਸ਼ਾਂ ਨੇ ਸਦਾ ਹੀ,
ਮੰਜਿਲਾਂ ਨੂੰ ਪਾ ਲਿਆ |
ਜਦੋਂ ਜਿੰਦਗੀ ਨੇ ਜਿੰਦਗੀ,
ਦੇ ਨਾਲ ਸਾਹ ਲਿਆ |
ਸੱਜਣਾ ਦੇ ਦਰ ਦੀ ਖੜਕੇ,
ਜੇ ਕੁੰਡੀ ਖੜਕਾਉਣੀ ਚਾਹੀਦੀ |
ਕਦੇ ਮੰਨਣਾ ਚਾਹੀਦਾ,
ਕਦੇ ਮਨਾਉਣੀ ਚਾਹੀਦੀ |
ਬਸ ਇਵੇਂ ਹੀ ਜਿੰਦਗੀ ਲੰਘਾਉਣੀ ਚਾਹੀਦੀ |

ਰਜਨੀ ਦੱਸ ਰੋਸਿਆਂ ਚੋਂ,
ਜਿੰਦਗੀ ਨੇ ਕੀ ਖੱਟਿਆ |
ਜਿੱਦਬਾਜੀਆਂ ਨੇਂ ਸਦਾ ਹੀ,
ਜਿੱਦ ਵਿੱਚ ਅੱਕ ਚੱਟਿਆ |
ਕਦੇ ਔਖੀ ਪੈ ਜਾਵੇ ਜੇ,
ਘੜੀ ਤਾਂ ਕਟਾਉਣੀ ਚਾਹੀਦੀ |
ਕਦੇ ਮੰਨਣਾ ਚਾਹੀਦਾ,
ਕਦੇ ਮਨਾਉਣੀ ਚਾਹੀਦੀ |
ਬਸ ਇਵੇਂ ਹੀ ਜਿੰਦਗੀ ਲੰਘਾਉਣੀ ਚਾਹੀਦੀ |