ਰਜਨੀ ਵਾਲੀਆ
ਨਜ਼ਰ ਪੰਜਾਬ ਨੂੰ ਜੇ ਲੱਗੀ,
ਤਾਂ ਫੇਰ ਕੀ ਕਰਾਂਗੇ |
ਨਜ਼ਰ ਗੁਲਾਬ ਨੂੰ ਜੇ ਲੱਗੀ,
ਤਾਂ ਫੇਰ ਕੀ ਕਰਾਂਗੇ |
ਨਜ਼ਰ ਪੰਜਾਬ ਨੂੰ ਜੇ ਲੱਗੀ,
ਤਾਂ ਫੇਰ ਕੀ ਕਰਾਂਗੇ |
ਜੇ ਪਾਣੀਆਂ ਚ ਮਿੱਠੇ ਦੀ ਥਾਂ,
ਜ਼ਹਿਰ ਘੁਲ ਗਏ |
ਜੇ ਛਾਵਾਂ ਦੀ ਥਾਂ ਵਿਹੜੇ ਚ,
ਦੁਪਹਿਰ ਘੁਲ ਗਏ |
ਨਜ਼ਰ ਝਨਾਬ ਨੂੰ ਜੇ ਲੱਗੀ,
ਤਾਂ ਫੇਰ ਕੀ ਕਰਾਂਗੇ |
ਨਜ਼ਰ ਪੰਜਾਬ ਨੂੰ ਜੇ ਲੱਗੀ,
ਤਾਂ ਫੇਰ ਕੀ ਕਰਾਂਗੇ |
ਜਿੰਦੇ ਸੁਪਨੇ ਸੀ ਬੜੇ ਜੋ,
ਟੁੱਟਦੇ ਪਏ ਨੇਂ ਕਿਉਂ |
ਜਿੰਦੇ ਕੀਮਤੀ ਸੀ ਰਿਸ਼ਤੇ ਜੋ,
ਛੁੱਟਦੇ ਪਏ ਨੇ ਕਿਉਂ |
ਨਜ਼ਰ ਖੁਆਬ ਨੂੰ ਜੇ ਲੱਗੀ,
ਤਾਂ ਫੇਰ ਕੀ ਕਰਾਂਗੇ |
ਨਜ਼ਰ ਪੰਜਾਬ ਨੂੰ ਜੇ ਲੱਗੀ,
ਤਾਂ ਫੇਰ ਕੀ ਕਰਾਂਗੇ |
ਨਸਿ਼ਆਂ ਦੇ ਆਦੀ ਪੁੱਤ,
ਕਰਦੇ ਨੇ ਸਾੜਾ ਅੱਗੋਂ |
ਜੇ ਪੁੱਛੀਏ ਕੋਈ ਗੱਲ ਤਾਂ,
ਦੇਂਦੇ ਉੱਤਰ ਮਾੜਾ ਅੱਗੋਂ |
ਨਜ਼ਰ ਜਵਾਬ ਨੂੰ ਜੇ ਲੱਗੀ,
ਤਾਂ ਫੇਰ ਕੀ ਕਰਾਂਗੇ |
ਨਜ਼ਰ ਪੰਜਾਬ ਨੂੰ ਜੇ ਲੱਗੀ,
ਤਾਂ ਫੇਰ ਕੀ ਕਰਾਂਗੇ |
ਦੱਸੋ ਸੁਰ ਕਿਹੜੀ ਗੱਲ ਤੋਂ,
ਬੇਸੁਰੀ ਹੋ ਗਈ ਏ |
ਦੱਸੋ ਕਾਹਤੋਂ ਕੱਲ ਤੋਂ,
ਬੇਸੁਰੀ ਹੋ ਗਈ ਏ |
ਨਜ਼ਰ ਰਬਾਬ ਨੂੰ ਜੇ ਲੱਗੀ,
ਤਾਂ ਫੇਰ ਕੀ ਕਰਾਂਗੇ |
ਨਜ਼ਰ ਪੰਜਾਬ ਨੂੰ ਜੇ ਲੱਗੀ,
ਤਾਂ ਫੇਰ ਕੀ ਕਰਾਂਗੇ |
ਸੈ਼ਲ ਤੇ ਸ਼ਬੀਲਿਆ ਦੇ,
ਨਾਲ ਸਾਡੀ ਟੌਹਰ ਏ |
ਭੰਗੜੇ ਤੇ ਗਿੱਧਿਆਂ ਦੇ,
ਵਿੱਚ ਸਾਡੀ ਲੋਰ ਏ |
ਨਜ਼ਰ ਖਿਤਾਬ ਨੂੰ ਜੇ ਲੱਗੀ,
ਤਾਂ ਫੇਰ ਕੀ ਕਰਾਂਗੇ |
ਨਜ਼ਰ ਪੰਜਾਬ ਨੂੰ ਜੇ ਲੱਗੀ,
ਤਾਂ ਫੇਰ ਕੀ ਕਰਾਂਗੇ |
ਹਾਏ ਢੋਲੇ,ਮਾਹੀਏ,ਟੱਪੇ ,
ਦੱਸੋ ਗਏ ਜੇ ਗਵਾਚ ਤਾਂ |
ਹਾਏ ਉੱਚੀਆਂ ਹੇਕਾਂ ਨੂੰ ਜੇ,
ਰਜਨੀ ਆ ਗਈ ਆਂਚ ਤਾਂ |
ਨਜ਼ਰ ਕਿਤਾਬ ਨੂੰ ਜੇ ਲੱਗੀ,
ਤਾਂ ਫੇਰ ਕੀ ਕਰਾਂਗੇ |
ਨਜ਼ਰ ਪੰਜਾਬ ਨੂੰ ਜੇ ਲੱਗੀ,
ਤਾਂ ਫੇਰ ਕੀ ਕਰਾਂਗੇ |
