ਕਿਰਦਾਰ

ਕੀਤੇ ਕੌਲ ਕਰਾਰ ਬਦਲ ਗਏ
ਰੱਬ ਵਰਗੇ ਸਭ ਯਾਰ ਬਦਲ ਗਏ
ਭਗਤ ਸਿੰਘ ਤੇ ਸਰਾਭੇ ਵਰਗੇ
ਨਹੀ ਸੱਚੇ ਸਰਦਾਰ ਬਦਲ ਗਏ
ਕਾਲਾ ਬਜ਼ਾਰੀ ਰਿਸ਼ਵਤਖੋਰੀ
ਨਹੀ ਸੱਚੇ ਦਰਬਾਰ ਬਦਲ ਗਏ
ਕੌਣ ਕੁੱਖਾਂ ਵਿੱਚ ਧੀ ਬਚਾਊ?
ਮਾਵਾਂ ਦੇ ਕਿਰਦਾਰ ਬਦਲ ਗਏ
ਆਈ ਸਫੈਦੀ ਸਿਰ ‘ਤੇ ਜਦ ਤੋਂ
ਕਰਦੇ ਸੀ ਜੋ ਪਿਆਰ ਬਦਲ ਗਏ
ਸੋਨੇ ਦੇ ਮੁੱਲ ਪਿਆਰ ਵਿਕ ਗਿਆ
ਤਾਂ ਹੀ ਤਾਂ ਸਰਕਾਰ ਬਦਲ ਗਏ
ਮੇਰੇ ਖ਼ਾਲੀ ਵੇਖ ਕੇ ਖੀਸੇ
ਕਈ ਕਰੀਬੀ ਯਾਰ ਬਦਲ ਗਏ
ਨਹੀਂ ਬਦਲੇ ਇੱਕ ਮਾਪੇ ਮੇਰੇ
ਸਾਰੇ ਰਿਸਤੇਦਾਰ ਬਦਲ ਗਏ
ਤੂੰ “ਸ਼ਾਹਪੁਰੀ” ਅਜੇ ਨਾ ਬਦਲੇਂ
ਮੌਸਮ ਰੰਗ ਹਜ਼ਾਰ ਬਦਲ ਗਏ

-ਜਗਦੀਪ ਸ਼ਾਹਪੁਰੀ
+919256073074