ਗਲਾਸਗੋ (ਮਨਦੀਪ ਖੁਰਮੀ ਹਿੰਮਤਪੁਰਾ)
ਸਰਕਾਰ ਦੁਆਰਾ ਬੁਢਾਪੇ ਵਿੱਚ ਨਾਗਰਿਕਾਂ ਦੀ ਵਿੱਤੀ ਸਹਾਇਤਾ ਕਰਨ ਲਈ ਪੈਨਸ਼ਨ ਸੇਵਾ ਦਿੱਤੀ ਜਾਂਦੀ ਹੈ। ਇਸ ਸਹੂਲਤ ਨੂੰ ਲੈਣ ਲਈ ਉਮਰ ਦੀ ਇੱਕ ਸੀਮਾ ਨਿਰਧਾਰਤ ਕੀਤੀ ਗਈ ਹੈ। ਜਿਸ ਵਿੱਚ ਸਮੇਂਂ ਅਨੁਸਾਰ ਤਬਦੀਲੀ ਵੀ ਕੀਤੀ ਜਾਂਦੀ ਹੈ। ਇਸ ਸੇਵਾ ਵਿੱਚ ਹੋਈ ਨਵੀਂ ਤਬਦੀਲੀ ਅਨੁਸਾਰ ਬ੍ਰਿਟੇਨ ਵਿਚ ਮਰਦ ਅਤੇ ਔਰਤਾਂ ਨੂੰ ਇਸਦਾ ਲਾਭ ਲੈਣ ਦੀ ਯੋਗਤਾ ਦੀ ਉਮਰ ਵਿਚ ਇਕ ਦਹਾਕੇ ਦੇ ਵਾਧੇ ਦੇ ਬਾਅਦ ਮੰਗਲਵਾਰ ਤੋਂ ਆਪਣੀ ਸਟੇਟ ਪੈਨਸ਼ਨ ਲੈਣ ਲਈ 66 ਸਾਲ ਦੇ ਹੋਣ ਤੱਕ ਇੰਤਜ਼ਾਰ ਕਰਨਾ ਪਏਗਾ। ਦਸ ਸਾਲ ਪਹਿਲਾਂ, ਔਰਤਾਂ ਆਪਣੀ ਰਾਜ ਪੈਨਸ਼ਨ ਦਾ ਦਾਅਵਾ 60 ਸਾਲ ਤੇ ਕਰ ਸਕਦੀਆਂ ਸਨ ਜਦੋਂ ਕਿ ਪੁਰਸ਼ 65 ਸਾਲ ਦੀ ਉਮਰ ਵਿੱਚ ਇਹ ਯੋਗਤਾ ਪ੍ਰਾਪਤ ਕਰਦੇ ਸਨ। ਪਰ ਹਾਲ ਹੀ ਦੇ ਸਾਲਾਂ ਵਿੱਚ ਕੀਤੀਆਂ ਤਬਦੀਲੀਆਂ ਨੇ ਦੋਵਾਂ ਦੀ ਉਮਰਾਂ ਸੰਬੰਧੀ ਯੋਗਤਾ ਨੂੰ ਇੱਕ ਕ੍ਰਮ ਵਿੱਚ ਲਿਆਂਦਾ ਹੈ ਅਤੇ ਦੋਵਾਂ ਦੀ ਉਮਰ ਵਿੱਚ ਵਾਧਾ ਕੀਤਾ ਹੈ। ਪੈਨਸ਼ਨ ਦੀ ਅਦਾਇਗੀ ਰਕਮ 175.20 ਪੌਂਡ ਤੱਕ ਹੈ ਅਤੇ ਹਰੇਕ ਉਸ ਵਿਅਕਤੀ ਨੂੰ ਇਸਦਾ ਭੁਗਤਾਨ ਕੀਤਾ ਜਾਂਦਾ ਹੈ ਜਿਸਨੇ ਆਪਣੇ ਕੰਮਕਾਜੀ ਜੀਵਨ ਕਾਲ ਦੌਰਾਨ ਘੱਟੋ ਘੱਟ 10 ਸਾਲਾਂ ਲਈ ਰਾਸ਼ਟਰੀ ਬੀਮੇ ਵਿੱਚ ਯੋਗਦਾਨ ਪਾਇਆ ਹੈ। ਲੰਬੇ ਸਮੇਂ ਤੋਂ ਰਾਜ ਦੀ ਪੈਨਸ਼ਨ ਅਦਾਇਗੀਆਂ ਲਈ ਉਮਰ ਦੀ ਰੇਂਜ ਉੱਤੇ ਵਿਚਾਰ ਕਰਨ ਲਈ ਇੱਕ ਸਖ਼ਤ ਕੇਸ ਰਿਹਾ ਹੈ, ਅਤੇ ਮਹਾਂਮਾਰੀ ਨੇ ਇਸ ਕੇਸ ਨੂੰ ਹੋਰ ਵੀ ਮਜ਼ਬੂਤ ਬਣਾਇਆ ਹੈ। ਇਹ ਪੈਨਸ਼ਨ ਦੀ ਰਾਸੀ ਬਹੁਤ ਸਾਰੀਆਂ ਔਰਤਾਂ ਅਤੇ ਉਨ੍ਹਾਂ ਦੀ ਮਦਦ ਕਰ ਸਕਦੀ ਹੈ ਜੋ ਗੰਭੀਰ ਬਿਮਾਰ ਹਨ ਜਾਂ ਜਿਨ੍ਹਾਂ ਨੂੰ ਆਪਣੇ ਅਜ਼ੀਜ਼ਾਂ ਦੀ ਦੇਖਭਾਲ ਕਰਨ ਦੀ ਜ਼ਰੂਰਤ ਹੈ। ਇਸ ਸੇਵਾ ਸੰਬੰਧੀ ਵਰਕ ਐਂਡ ਪੈਨਸ਼ਨ ਵਿਭਾਗ ਦੇ ਬੁਲਾਰੇ ਨੇ ਕਿਹਾ ਕਿ ਸਰਕਾਰ ਕਾਨੂੰਨੀ ਤੌਰ ਤੇ ਵਚਨਬੱਧ ਹੈ ਕਿ ਰਾਜ ਪੈਨਸ਼ਨ ਦੀ ਉਮਰ ਦੀ ਹਰ ਛੇ ਸਾਲਾਂ ਬਾਅਦ ਸਮੀਖਿਆ ਕਰੇ ਤਾਂ ਜੋ ਇਹ ਪੱਕਾ ਕੀਤਾ ਜਾ ਸਕੇ ਕਿ ਸਿਸਟਮ ਪੈਨਸ਼ਨਰਾਂ ਨੂੰ ਸੁਰੱਖਿਅਤ ਰੱਖਦਾ ਹੈ।
