ਧੀ ਤੇਰੀ ਕੁਰਲਾਉਂਦੀ

ਰਜਨੀ ਵਾਲੀਆ
ਧੀ ਤੇਰੀ ਕੁਰਲਾਉਂਦੀ ਪਈ ਏ,
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |
ਹੰਝੂਆਂ ਨਾਲ ਨਿਭਾਉਂਦੀ ਪਈ ਏ,
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |

ਜੋ ਮੰਗਦੀ ਸੀ ਮਿਲ ਜਾਂਦਾ ਸੀ,
ਤੂੰ ਨਹੀਂ ਸੀ ਕਦੇ ਤਰਸਾਇਆ |
ਬਾਬਲਾ ਤੇਰੇ ਨਾਲ ਨਾ ਗੱਲ ਹੋਈ,
ਵੇ ਜਦੋਂ ਵੇਲਾ ਅਖੀਰੀ ਆਇਆ |
ਦਿਲ ਵਿੱਚ ਪੀੜ ਲੁਕੋਂਦੀ ਪਈ ਏ,
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |
ਧੀ ਤੇਰੀ ਕੁਰਲਾਉਂਦੀ ਪਈ ਏ,
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |

ਪੰਜ ਅਕਤੂਬਰ ਨੂੰ ਦਿਨੇ ਪੰਜ ਵਜੇ,
ਤੂੰ ਕਰ ਗਿਆ ਖਾਲੀ ਵਿਹੜਾ |
ਮੈਂ ਭੁੱਬੀਂ ਹੋ-ਹੋ ਰੋਈ ਬਾਬਲਾ,
ਮੰਦਭਾਗਾ ਉਹ ਦਿਨ ਸੀ ਜਿਹੜਾ |
ਦਮ-ਦਮ ਨਾਲ ਧਿਆਉਂਦੀ ਪਈ ਏ,
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |
ਧੀ ਤੇਰੀ ਕੁਰਲਾਉਂਦੀ ਪਈ ਏ,
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |

ਹੁਣ ਤਾਂ ਮੈਨੂੰ ਸਾਰਾ ਆਲਮ,
ਬਿਨ ਬਾਬਲ ਬੀਆਬਾਨ ਲੱਗੇ |
ਮੈਂ ਸਾਹ ਲੈਂਦੀ ਹਾਂ ਜਾਨ ਨਹੀ ਲਗਦੀ,
ਮੈਨੂੰ ਆਪਾ ਮੇਰਾ ਬੇਜਾਨ ਲੱਗੇ |
ਲੋੜ ਤੇਰੀ ਅੱਜ ਤੈਨੂੰ ਧੀ ਬੁਲਾਉਂਦੀ ਪਈ ਏ |
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |
ਧੀ ਤੇਰੀ ਕੁਰਲਾਉਂਦੀ ਪਈ ਏ,
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |

ਤੂੰ ਪੰਜਾਂ ਤੱਤਾਂ ਵਿੱਚ ਹੋ ਗਿਓਂ ,
ਵਿਲੀਨ ਬਾਬਲਾ ਮੈ ਕਾਸੇ ਜੋਗੀ ਨਾ |
ਤੂੰ ਪੰਜਾਂ ਤੱਤਾਂ ਵਿੱਚ ਹੋ ਗਿਓਂ ,
ਵਿਲੀਨ ਬਾਬਲਾ ਮੈ ਕਿਸੇ ਪਾਸੇ ਜੋਗੀ ਨਾ |
ਮਨ ਨੂੰ ਰਹਿ-ਰਹਿ ਸਮਝਾਉਂਦੀ ਪਈ ਏ,
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |
ਧੀ ਤੇਰੀ ਕੁਰਲਾਉਂਦੀ ਪਈ ਏ,
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |

ਕਿਵੇਂ ਵਿਸਾਰਾਂ ਤੇਰੇ ਲਾਡ ਲਡਾਏ,
ਬਾਬਲਾ ਧੀ ਮੈਂ ਤੇਰੀ ਲਾਡਾਂ ਮੱਤੀ |
ਦੋ ਬੋਲ ਵੀ ਸਾਂਝੇ ਨਾ ਮਿਲੇ ਕਰਨ,
ਨੂੰ ਸੀ ਹੋਣੀਂ ਆਈ ਬਣਕੇ ਕੁਪੱਤੀ |
ਤੇਰੀ ਬਰਸੀ ਤੇ ਅੱਜ ਪਛਤਾਉਂਦੀ ਪਈ ਏ,
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |
ਧੀ ਤੇਰੀ ਕੁਰਲਾਉਂਦੀ ਪਈ ਏ,
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |

ਮੈਂ ਤੱਕਿਆ ਨਹੀਂ ਸੀ ਰੱਬ ਕਦੇ,
ਪਰ ਤੇਰੇ ਚੋਂ ਨਜਰੀ ਪੈਂਦਾ ਸੀ |
ਤੇਰੀ ਹਰ ਇੱਕ ਗੱਲ ਸਿਆਣੀ,
ਸੀ ਤੂੰ ਜੋ-ਜੋ ਵੀ ਮੈਨੂੰ ਕਹਿੰਦਾ ਸੀ |
ਅੱਖ ਕੱਲ ਦੀ ਮੇਰੀ ਵਹਿੰਦੀ ਪਈ ਏ,
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |
ਧੀ ਤੇਰੀ ਕੁਰਲਾਉਂਦੀ ਪਈ ਏ,
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |

ਤੇਰੇ ਤੋਂ ਕਈ ਕੁਝ ਸਿਖਿਆ ਮੈਂ,
ਸਿਖਿਆ ਤੇ ਹਾਸਲ ਕੀਤਾ ਵੀ |
ਤੂੰ ਕਿਹਾ ਸੀ ਤਸੀਹੇ ਜਰ ਜਾਵੀਂ,
ਮੈਂ ਜਰੇ ਤੇ ਮੂੰਹ ਨੂੰ ਸੀਤਾ ਵੀ |
ਰਜਨੀ ਹੁਣ ਡਿਗ-ਡਿਗ ਢਹਿੰਦੀ ਪਈ ਏ |
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |
ਧੀ ਤੇਰੀ ਕੁਰਲਾਉਂਦੀ ਪਈ ਏ,
ਅੱਜ ਕੋਈ ਆਖੋ ਮੇਰੇ ਬਾਬਲ ਨੂੰ |