ਦੁੱਖਭੰਜਨ ਰੰਧਾਵਾ
0351920036369
ਪਿਆਰ ਨਾਲੋਂ ਵੱਡੀ ਕੋਈ,
ਸਜਾ ਨਹੀਂ ਜਹਾਨ ‘ਤੇ |
ਇਸ਼ਕ ਬਲਦਾ ਏ ਸਿਵੇ ਵਾਂਗੂ,
ਉੱਤੋਂ ਬਣੀ ਰਵੇ ਜਾਨ ‘ਤੇ |
ਪਿਆਰ ਨਾਲੋਂ ਵੱਡੀ ਕੋਈ,
ਸਜਾ ਨਹੀਂ ਜਹਾਨ ‘ਤੇ |
ਭੁੱਲਦੇ ਨਾ ਦੌਰ ਉਹ ਜੋ,
ਚੇਤੇ ਆ ਕੇ ਜਾਂਦੇ ਨੇਂ |
ਕੀੜੇ ਮੈਨੂੰ ਯਾਦਾਂ ਵਾਲੇ,
ਦਿਨੇਂ ਰਾਤ ਖਾਂਦੇ ਨੇਂ |
ਪੀੜਾਂ ਮੈਨੂੰ ਮਿਲਦੀਆਂ,
ਹੋਏ ਨੁਕਸਾਨ ‘ਤੇ |
ਪਿਆਰ ਨਾਲੋਂ ਵੱਡੀ ਕੋਈ,
ਸਜਾ ਨਹੀਂ ਜਹਾਨ ‘ਤੇ |
ਜਿੰਦੇ ਜਦੋਂ ਤੇਰੀ ਜਾਨ ਵਿੱਚ,
ਜਾਨ ਤੇਰੀ ਰਹੀ ਨਾ |
ਉਹਨੇ ਸੁ ਜੋ ਪੀੜ ਦਿੱਤੀ,
ਗਈ ਤੈਥੋ ਸਹੀ ਨਾ |
ਵੱਜ ਜਾਂਦਾ ਡਾਕਾ ਜਦੋਂ,
ਯਾਰਾ ਅਰਮਾਨ ‘ਤੇ |
ਪਿਆਰ ਨਾਲੋਂ ਵੱਡੀ ਕੋਈ,
ਸਜਾ ਨਹੀਂ ਜਹਾਨ ‘ਤੇ |
ਮੈਨੂੰ ਸੁੰਨਾ ਪਹਿਰ ਜਾਪੇ,
ਦੀਦ ਤੋਂ ਬਗੈਰ ਨੀ |
ਮੈਨੂੰ ਸੁੰਨਾਂ ਸ਼ਹਿਰ ਜਾਪੇ,
ਦੀਦ ਤੋਂ ਬਗੈਰ ਨੀ |
ਰੋਕ ਕਿਵੇਂ ਲਾ ਲਵਾਂ ਮੈਂ,
ਆਉਂਦੇ ਹੋਏ ਤੁਫਾਨ ‘ਤੇ |
ਪਿਆਰ ਨਾਲੋਂ ਵੱਡੀ ਕੋਈ,
ਸਜਾ ਨਹੀਂ ਜਹਾਨ ‘ਤੇ |
ਮੇਰੀ ਜਾਨ ਹੋਵੇ ਸਾਹਮਣੇਂ ਤੇ,
ਬੋਲ ਕੁਝ ਹੁੰਦਾ ਨਹੀਂ |
ਚੁੱਪ-ਚੁੱਪ ਰਵਾਂ ਮੂੰਹੋਂ,
ਖੋਲ ਕੁਝ ਹੁੰਦਾ ਨਹੀਂ |
ਸਿੱਕਰੀ ਜਈ ਜਮ ਜਾਂਦੀ,
ਉਦੋਂ ਤਾਂ ਜੁਬਾਨ ‘ਤੇ |
ਪਿਆਰ ਨਾਲੋਂ ਵੱਡੀ ਕੋਈ,
ਸਜਾ ਨਹੀਂ ਜਹਾਨ ‘ਤੇ |
ਸਾਹ ਤੇਰੇ ਹੋ ਗਏ ਨੇ,
ਜਾਨ ਤੇਰੇ ਨਾਂ ਨੀ |
ਸਭ ਧੁੱਪਾਂ ਦੇਣ ਮੈਨੂੰ,
ਕਰਦੇ ਨਾ ਛਾਂ ਨੀ |
ਤੂੰ ਜਿੰਦਾ ਮਾਰ ਛੱਡਿਆ ਈ,
ਰੂਹ ਦੇ ਮਕਾਨ ‘ਤੇ |
ਪਿਆਰ ਨਾਲੋਂ ਵੱਡੀ ਕੋਈ,
ਸਜਾ ਨਹੀਂ ਜਹਾਨ ‘ਤੇ |
ਤੂੰ ਦੋਸਤੀ ਦੇ ਸਾਲੂ ਵਿੱਚ,
ਪਿਆਰ ਨੂੰ ਲੁਕਾ ਲਿਆ |
ਹੁਣ ਆਪਾਂ ਦੋਵਾਂ ਨੇ ,
ਰੱਬ ਨੂੰ ਵੀ ਪਾ ਲਿਆ |
ਦੁੱਖਭੰਜਨਾਂ ਵਿਕਦੇ ਨੇ ਹੌਕੇ
ਹੰਝੂ ਪਿਆਰ ਦੀ ਦੁਕਾਨ ‘ਤੇ |
ਪਿਆਰ ਨਾਲੋਂ ਵੱਡੀ ਕੋਈ,
ਸਜਾ ਨਹੀਂ ਜਹਾਨ ‘ਤੇ |
