ਦੁੱਖਭੰਜਨ ਰੰਧਾਵਾ
0351920036369
ਲੱਗੀਆਂ ਦੇ ਦਰਦ ਬੁਰੇ,
ਜੀਹਨੂੰ ਲਗਦੀ ਓਹੀਓ ਜਿੰਦ ਜਾਣੇਂ |
ਜਿੰਦ ਮਿੱਟੜੀ ਚ ਰੁੱਲ ਜਾਂਵਦੀ,
ਫੱਟ ਅੱਲੇ ਹੋ-ਹੋ ਦਿਸਣ ਵਿਚਾਰੇ |
ਲੱਗੀਆਂ ਦੇ ਦਰਦ ਬੁਰੇ,
ਜੀਹਨੂੰ ਲਗਦੀ ਓਹੀਓ ਜਿੰਦ ਜਾਣੇਂ |
ਲੱਗੀ ਵੇਲੇ ਸੋਚਣਾ ਨਹੀਂ ਪਹਿਲਾਂ,
ਲਾਉਣੀਂ ਪਿਛੋਂ ਪਿੱਟ-ਪਿੱਟ ਰੋਣਾਂ |
ਉਹਦੀ ਰਜ਼ਾ ਮੰਨਣੀਂ ਪੈਂਦਿ,
ਪੈਦਾ ਮੰਨਣਾਂ ਜੋ-ਜੋ ਵੀ ਹੁੰਦਾ ਹੋਣਾਂ |
ਉਹਦਾ ਕੀਤਾ ਹੋ ਕੇ ਰਹਿੰਦਾ,
ਪੈਦੇ ਮੰਨਣੇਂ ਅਖੀਰ ਉਹਦੇ ਭਾਣੇਂ |
ਲੱਗੀਆਂ ਦੇ ਦਰਦ ਬੁਰੇ,
ਜੀਹਨੂੰ ਲਗਦੀ ਓਹੀਓ ਜਿੰਦ ਜਾਣੇਂ |
ਵਗਦੇ ਜੋ ਰਾਹ ਚੰਦਰੇ ਏਥੇ,
ਖਿੱਲਰੀਆਂ ਰਾਹਾਂ ਵਿੱਚ ਖਾਰਾਂ |
ਇਸ਼ਕੇ ਦੇ ਵਹਿਣ ਅੰਦਰ,
ਵਹਿ ਗਏ ਆਣ ਹਜਾਰਾਂ |
ਸਲ੍ਹਾਬੀ ਜਿਹੀ ਪੌਣ ਵਗਕੇ,
ਸਲ੍ਹਾਬੇ ਕਰ ਦੇਂਦੀ ਸਾਹਵਾਂ ਦੇ ਦਾਣੇਂ |
ਲੱਗੀਆਂ ਦੇ ਦਰਦ ਬੁਰੇ,
ਜੀਹਨੂੰ ਲਗਦੀ ਓਹੀਓ ਜਿੰਦ ਜਾਣੇਂ |
ਦੁੱਖਭੰਜਨਾਂ ਇਹ ਬੰਦਿਸ਼ਾਂ ਨੂੰ,
ਤੋੜ ਦੇਂਦੇ ਵੱਖਰਾ ਜਹਾਨ ਹੁੰਦਾ |
ਸਦਾ ਭਰਿਆ ਝਨਾ ਰਹਿੰਦਾ,
ਤੇ ਅੱਗ ਦਾ ਤੁਫਾਨ ਹੁੰਦਾ |
ਨਾਦਾਨੀਆਂ ਵੀ ਕਰ ਜਾਦੇ,
ਹੁੰਦੇ ਜਿਹੜੇ ਬਹੁਤ ਸਿਆਣੇਂ |
ਲੱਗੀਆਂ ਦੇ ਦਰਦ ਬੁਰੇ,
ਜੀਹਨੂੰ ਲਗਦੀ ਓਹੀਓ ਜਿੰਦ ਜਾਣੇਂ |
