ਮਾਨਚੈਸਟਰ (ਪੰਜ ਦਰਿਆ ਬਿਊਰੋ)
ਨਵੰਬਰ 2018 ਵਿਚ ਦੁਬਈ ਤੋਂ ਮਾਨਚੈਸਟਰ ਆਏ ਇਕ ਯਾਤਰੀ ਤੋਂ ਕਸਟਮ ਵਿਭਗ ਵਲੋਂ ਕਿਲੋਆਂ ਦੀ ਮਾਤਰਾ ਵਿੱਚ ਸੋਨਾ ਫੜਿਆ ਗਿਆ ਸੀ। ਮਾਨਚੈਸਟਰ ਹਲਕੇ ਦੇ ਰਹਿਣ ਵਾਲੇ ਉਕਤ ਯਾਤਰੀ ਖਿਲਾਫ ਕਾਨੂੰਨੀ ਕਾਰਵਾਈ ਨਹੀਂ ਹੋਈ ਸੀ। ਐੱਚ. ਐੱਮ. ਆਰ. ਸੀ. ਵਲੋਂ ਨਵੇਂ ਕਾਨੂੰਨੀ ਨਿਯਮਾਂ ਤਹਿਤ ਅਜਿਹੇ ਕਿਸੇ ਵੀ ਫੰਡ ਨੂੰ ਜਨਤਕ ਭਲਾਈ ਲਈ ਵਰਤਿਆ ਜਾਂਦਾ ਹੈ, ਜਿਵੇਂ ਹਸਪਤਾਲਾਂ ਅਤੇ ਸਕੂਲਾਂ ਆਦਿ ਦੀ ਮਦਦ ਲਈ ਵਰਤਿਆ ਜਾਂਦਾ ਹੈ। ਇਸ ਕਾਰਜ ਲਈ ਮਾਨਚੈਸਟਰ ਹਵਾਈ ਅੱਡੇ ਤੋਂ ਬਰਾਮਦ ਕੀਤੀਆਂ 8 ਸੋਨੇ ਦੀਆਂ ਇੱਟਾਂ ਨਿਲਾਮ ਕੀਤੀ ਜਾਣ ਦਾ ਸਮਾਚਾਰ ਹੈ। ਲਗਭਗ 16 ਕਿਲੋ ਸੋਨੇ ਦੀ ਅੰਦਾਜ਼ਨ ਕੀਮਤ ਸਾਢੇ ਸੱਤ ਲੱਖ ਪੌਂਡ ਮਿੱਥੀ ਗਈ ਹੈ।
