ਰਜਨੀ ਵਾਲੀਆ, ਕਪੂਰਥਲਾ
ਪੂਜਣਯੋਗ ਜਿਉਂ ਮਾਂ ਹੁੰਦੀ ਏ,
ਹਰ ਸੈ਼ਅ ਹੋਰ ਪਰਾਂਹ ਹੁੰਦੀ ਏ |
ਜੋ ਰੋਣ ਬੱਚੇ ਦਾ ਜਰ ਨਹੀਂ ਸਕਦੀ,
ਉਹ ਤਾਂ ਬਸ ਇੱਕ ਮਾਂ ਹੁੰਦੀ ਏ |
ਤਦ ਬੱਚਾ ਨੀਂਦਰ ਪੂਰੀ ਕਰਦਾ,
ਸਿਰ ਦੇ ਹੇਠ ਜਦ ਬਾਂਹ ਹੁੰਦੀ ਏ |
ਸਿਆਣੀਂ ਮਾਂ ਘਰ ਸਾਂਭ ਕੇ ਰੱਖੇ,
ਕੱਪੜਿਆਂ ਲਈ ਜਿਉਂ ਲਾਂ ਹੁੰਦੀ ਏ |
ਨਹੀਂ ਰੌਣਕ ਹੁੰਦੀ ਮਾਂ ਬਿਨਾ ਘਰ ਵਿੱਚ,
ਹਰ ਦਮ ਘਰ ਵਿੱਚ ਕਾਂ-ਕਾਂ ਹੁੰਦੀ ਏ |
ਨਾ ਇੱਜਤ ਜਿਸ ਘਰ ਮਾਂ ਦੀ ਹੋਵੇ,
ਬਰਕਤ ਉਸ ਘਰੋਂ ਪਰਾਂਹ ਹੁੰਦੀ ਏ |
ਭਾਈ ਬਿਨ ਮਾਂ ਬੁਝਣ ਚਿਰਾਗ ਹਮੇਸਾ਼,
ਪੂਰੇ ਵਿਹੜੇ ਵਿੱਚ ਭਾਂਅ-ਭਾਂਅ ਹੁੰਦੀ ਏ |
ਹੈ ਸਦਾ ਮਨਫੀ ਖੁਦ ਨੂੰ ਕਰਕੇ ਰੱਖਦੀ,
ਪਰ ਬੱਚਿਆਂ ਵਿੱਚ ਜਮਾਂ ਹੁੰਦੀ ਏ |
ਜਿਸ ਵਿਹੜੇ ਵਿੱਚ ਰੌਸ਼ਨੀਆਂ ਹੋਵਣ,
ਉਸ ਵਿਹੜੇ ਦੇ ਆਲੇ ਸ਼ਮਾ ਹੁੰਦੀ ਏ |
ਬੱਚੇ ਕਰਨ ਤਰੱਕੀਆਂ ਤੇ ਅਹੁਦੇ ਸਾਂਭਣ,
ਅਸਲ ਮਿਹਨਤ ਮਾਂ ਦੀ ਪਿਛਾਂਹ ਹੁੰਦੀ ਏ |
ਹੋਵੇ ਸਦਾ ਮਾਂ ਦੀ ਮਮਤਾ ਪੀਂਘ ਹੁਲਾਰਾ,
ਓ ਬੋਹੜੋਂ ਵੀ ਸੰਘਣੀਂ ਛਾਂ ਹੁੰਦੀ ਏ |
ਰਜਨੀ ਮਾਂ ਦਾ ਦੇਣਾਂ ਕਿਵੇਂ ਦੇਵੇਂਗੀ,
ਮਾਂ ਤਾਂ ਸਭਨਾ ਲਈ ਇੱਕ ਬਾਂਹ ਹੁੰਦੀ ਏ |
