ਦੁੱਖਭੰਜਨ ਰੰਧਾਵਾ
0351920036369
ਤੇਰਾ ਲਵਾਂ ਜਦੋਂ ਨਾਂ,
ਸਾਹਵਾਂ ਨੂੰ ਹੋ ਜਾਂਦੀ ਛਾਂ |
ਤੇਰੀ ਪਨਾਹੇਂ ਜਦੋਂ ਆਵਾਂ,
ਮਾਫ ਹੁੰਦੇ ਨੇਂ ਗੁਨਾਂਹ |
ਤੂੰ ਏ ਕੀ ਕੀਤਾ,
ਤੇ ਮੈਂ ਏ ਕੀ ਕੀਤਾ |
ਦੋਵਾਂ ਰਲਕੇ ਓ ਯਾਰਾ ,
ਜਾਮ ਪਿਆਰ ਵਾਲਾ ਪੀਤਾ |
ਸਾਨੂੰ ਕਿਸੇ ਨਾ ਮਿਲਾਇਆ,
ਮਿਲਾਉਣ ਵਾਲਾ ਏ ਖੁਦਾ |
ਤੇਰਾ ਲਵਾਂ ਜਦੋਂ ਨਾਂ,
ਸਾਹਵਾਂ ਨੂੰ ਹੋ ਜਾਂਦੀ ਛਾਂ |
ਮੈਨੂੰ ਮਿਲੀ ਏ ਸਜ਼ਾ,
ਤੈਥੋਂ ਦੂਰ ਰਹਿਣ ਦੀ |
ਅੱਖੋਂ ਹੰਝੂ ਰਹਿਣ ਵਹਿੰਦੇ,
ਤੇ ਗਮ ਸਹਿਣ ਦੀ |
ਮੈਂ ਟੀਸ ਨਾਲ ਟੀਸ,
ਫੋੜਾ ਫੋੜੇ ਨਾ ਬਣਾਂ |
ਤੇਰਾ ਲਵਾਂ ਜਦੋਂ ਨਾਂ,
ਸਾਹਵਾਂ ਨੂੰ ਹੋ ਜਾਂਦੀ ਛਾਂ |
ਮੇਰੇ ਗਲ ਵਿੱਚ ਪੀੜਾਂ,
ਦੇ ਹਾਰ ਬੜੇ ਸੋਹੰਦੇ |
ਉਹਨਾਂ ਨੂੰ ਓਹੀ ਮਿਲ ਗਿਆ,
ਜੋ ਸੀ ਮੇਰੇ ਲਈ ਚਾਹੁੰਦੇ |
ਮੇਰਾ ਅੰਤ ਹੋਣਾ ਮਾੜਾ,
ਪਾਪ ਹੋ ਗਏ ਜਮਾਂ |
ਤੇਰਾ ਲਵਾਂ ਜਦੋਂ ਨਾਂ,
ਸਾਹਵਾਂ ਨੂੰ ਹੋ ਜਾਂਦੀ ਛਾਂ |
ਉਹਦੇ ਸਾਹਵਾਂ ਨਾਲ,
ਮੇਰੇ ਸਰੀਰ ਚ ਰਵਾਨੀਂ |
ਉਹਦੀ ਸੁਣ ਲਵਾਂ ਆਵਾਜ਼,
ਮੈਨੂੰ ਚੜਜੇ ਜਵਾਨੀਂ |
ਉਹਦਾ ਸਾਥ ਜੇ ਨਾ ਰਿਹਾ,
ਸਾਥ ਦੇਣਾਂ ਨਈਂ ਦਮਾਂ |
ਤੇਰਾ ਲਵਾਂ ਜਦੋਂ ਨਾਂ,
ਸਾਹਵਾਂ ਨੂੰ ਹੋ ਜਾਂਦੀ ਛਾਂ |
ਦੁੱਖਭੰਜਨਾਂ ਰੂਹ ਦੀ ਤਸੱਲੀ,
ਲਈ ਮਰਨ ਮੈਂ ਕੀਤਾ ਏ |
ਵਾਂਗ ਸੁਕਰਾਤ ਯਾਰਾ ਜ਼ਹਿਰ,
ਵੀ ਮੈਂ ਪੀਤਾ ਏ |
ਮੇਰੇ ਜ਼ਖਮ ਪੀੜਾਂ ਨਾਲ,
ਹੋਏ ਫੇਰ ਤੋਂ ਰਵਾਂ |
ਤੇਰਾ ਲਵਾਂ ਜਦੋਂ ਨਾਂ,
ਸਾਹਵਾਂ ਨੂੰ ਹੋ ਜਾਂਦੀ ਛਾਂ |
