ਪਰਥ (ਸਤਿੰਦਰ ਸਿੰਘ ਸਿੱਧੂ)
ਅੱਜ ਬਾਅਦ ਦੁਪਹਿਰ ਲੇਡੀਬੈਂਕ ਨੇੜਲੇ ਫਾਇਫ਼ ਚਿੜੀਆਘਰ ਵਿੱਚ ਇਕ ਇਮਾਰਤ ਦੀ ਛੱਤ ਨੂੰ ਅੱਗ ਲੱਗਣ ਤੋਂ ਬਾਅਦ ਖਾਲੀ ਕਰਵਾਇਆ ਗਿਆ ਅਤੇ ਸਕੌਟਿਸ਼ ਐਮਰਜੈਂਸੀ ਸੇਵਾਵਾਂ ਨੂੰ ਬੁਲਾਇਆ ਗਿਆ। ਇਸ ਅੱਗ ‘ਤੇ ਕਾਬੂ ਪਾਉਣ ਵਿੱਚ ਚਾਰ ਦਮਕਲ ਵਾਹਨਾਂ ਦੀ ਮਦਦ ਲਈ ਗਈ।
ਅੱਗ ਸੋਫਤ ਪਲੇ ਸੈਂਟਰ ਦੀ ਇਮਾਰਤ ਵਿੱਚ ਲੱਗੀ ਸੀ ਅਤੇ ਇਸ ਦੇ ਨੇੜੇ ਹੀ ਮਰਮੋਸੇਟਸ ਕਿਸਮ ਦੇ ਬਾਂਦਰ ਦਾ ਘਰ ਸੀ ਜਿਸ ਨੂੰ ਚਿੜੀਆਘਰ ਕਰਮਚਾਰੀਆਂ ਵਲੋਂ ਸਮੇ ਰਹਿੰਦੇ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ। ਇਹ ਚਿੜੀਆਘਰ ਲੇਮੂਰ ਅਤੇ ਜ਼ੇਬਰਾ ਸਮੇਤ ਕਈ ਜਾਨਵਰਾਂ ਦਾ ਘਰ ਹੈ। ਕੋਰੋਨਾਵਾਇਰਸ ਦੇ ਤਾਲਾਬੰਦੀ ਕਾਰਨ ਮਾਰਚ ਵਿਚ ਬੰਦ ਹੋਣ ਤੋਂ ਬਾਅਦ ਇਹ 29 ਜੂਨ ਨੂੰ ਦੁਬਾਰਾ ਖੋਲ੍ਹਿਆ ਗਿਆ ਸੀ।
