ਦੁੱਖਭੰਜਨ ਰੰਧਾਵਾ
0351920036369
ਮੇਰੀ ਪ੍ਰਾਪਤੀ,
ਤੇਰਾ ਹੋਣਾ,
ਮੇਰੇ ਵਜੂਦ ਅੰਦਰ,
ਮੇਰਾ ਮੁੱਲ,
ਸੌ ਗੁਣਾ ਕਰ ਦੇਂਦੈ |
ਮਿੱਟੀ ਦੇ ਬੁੱਤ ਵਿੱਚ,
ਆਸ ਦਾ ਲੋਹਾ,
ਭਰ ਦੇਂਦੈ |
ਇੱਕ ਆਸ,
ਇੱਕ ਮੁਹੱਬਤ,
ਇੱਕ ਕੋਸਿ਼ਸ਼,
ਇੱਕ ਲਗਨ,
ਇੱਕ ਸੀਨੇ ਚ,
ਬਲਦੀ ਅਗਨ,
ਨੂੰ ਇਕੱਠਿਆਂ ਕਰਾਂ,
ਤੇ ਇੱਕ ਤੂੰ ਬਣਨੀ ਏਂ |
ਮੇਰੀ ਪ੍ਰਾਪਤੀ |
ਜਦੋਂ ਕੋਰੇ ਕਾਗਜ਼,
ਤੇ ਲਿਖੇ ਹੋਏ,
ਅਨਮੋਲ ਹਰਫ,
ਤੇਰੀਆਂ ਵਾਰਾਂ,
ਗਾਉਂਦੇ ਨੇਂ ਨਾ,
ਤੇ ਮੈਂ ਉਦੋਂ ਆਪਣੇ-ਆਪ,
ਨੂੰ ਸੁਰ-ਮਈ ਲਿਬਾਜ਼,
ਵਿੱਚ ਮਹਿਸੂਸ ਕਰਦਾਂ |
ਤੇ ਮੇਰਾ ਧੁਰ-ਅੰਦਰ,
ਤੈਨੂੰ ਸੁਰਾਂ ਦੇ ਵਿੱਚ,
ਗਾਉਣ ਲੱਗ ਪੈਂਦਾ ਏ |
ਤੇ ਉਦੋਂ ਹੁੰਦੀ ਏ ਮੈਨੂੰ,
ਮੇਰੀ ਪ੍ਰਾਪਤੀ |
ਸੌ ਸਵਾਲਾਂ ਦਾ,
ਜਵਾਬ ਲੱਭਣ ਤੁਰਾਂ,
ਤੇ ਤੂੰ ਨਜ਼ਰੀਂ,
ਪੈ ਜਾਨੀ ਏਂ |
ਸੌ ਮਸਲਿਆਂ ਦਾ,
ਇੱਕ ਹੱਲ ਲੱਭਣ,
ਤੁਰਾਂ ਤੇ ਤੂੰ ਨਜ਼ਰੀਂ,
ਪੈ ਜਾਨੀ ਏਂ |
ਮੇਰੀ ਪ੍ਰਾਪਤੀ |
