ਦੁੱਖਭੰਜਨ ਰੰਧਾਵਾ
0351920036369
ਜਦੇ ਮੈਂ ਹੌਕਾ ਭਰਿਆ,
ਤਦੇ ਓਹ ਰੋਈ ਸੀ |
ਮੈਨੂੰ ਜੋ ਪੀੜ ਸੀ ਹੁੰਦੀ ,
ਉਹਨੂੰ ਵੀ ਹੋਈ ਸੀ |
ਦੁੱਖਭੰਜਨ,
ਮੈਂ ਬੋਲਿਆ ਸੀ ਜਿਸਨੂੰ ਉੱਚਾ ,
ਓ ਕਿਹੜਾ ਕੋਈ ਸੀ |
ਉਸ ਦੌਰ ਚ ਮੈਂ ਜਾਣਾ ਮੇਰਾ ਰੱਬ,
ਜੋ ਪੰਡ ਮੈਂ ਢੋਈ ਸੀ |
ਦੋਹੜਾ
ਉਸਦੇ ਮੋਹ ਚ ਮਹਿਕਾਂ ਘੁਲੀਆਂ,
ਦਰਿਆਵਾਂ ਜਿਹੀ ਰਵਾਨੀ |
ਜੋ ਮਰਜੀ ਮੈਂ ਕਹਿ ਲਵਾਂ ਉਸਨੂੰ,
ਉਹ ਮੇਰੇ ਦਿਲ ਦੀ ਜਾਨੀ |
ਹੋਰ ਕਿਸੇ ਦੇ ਮੱਥੇ ਲੱਗੇ ਤਾਂ,
ਉਹ ਬਿਜਲੀ ਏ ਅਸਮਾਨੀ |
ਹੈ ਦੁੱਖਭੰਜਨ ਲਈ ਲਾਭ-ਲਾਭ,
ਤੇ ਓ ਹੋਰਾਂ ਦੇ ਲਈ ਹਾਨੀਂ |
ਦੋਹੜਾ
ਅੱਜ ਮੁਆਫੀ ਮੰਗੀ ਮਹਿਬੂਬ ਤੋਂ,
ਮੈਂ ਦੋਵੇਂ ਹੀ ਹੱਥ ਜੋੜ ਕੇ |
ਉਸਨੂੰ ਲੂੰ-ਲੂੰ ਆਪਣਾ ਅਰਪਣ ਕਰਕੇ,
ਤੇ ਆਪਣੀ ਹਊਮੈਂ ਤੋੜ ਕੇ |
ਉਸਦੇ ਪੈਰ ਮੈਂ ਧੋ ਦਿੱਤੇ ਨੇਂ,
ਅੱਜ ਆਪਣੀ ਰੱਤ ਨਿਚੋੜ ਕੇ |
ਜਦੋਂ ਵੀ ਉਸਨੇ ਹਾਕ ਲਗਾਈ,
ਦੇਖਿਓ ਦੁੱਖਭੰਜਨ ਆਵੇਗਾ ਦੌੜ ਕੇ |
