ਦੁੱਖਭੰਜਨ ਰੰਧਾਵਾ
0351920036369
ਇੱਕ ਰਿਸ਼ਤਾ ਤੇਰਾ ਨੀ,
ਮੇਰੇ ਸਾਹ ਨਾ ਜੁੜਿਆ ਏ |
ਇੱਕ ਰਿਸ਼ਤਾ ਤੇਰਾ ਨੀ,
ਮੇਰੀ ਬਾਂਹ ਨਾ ਜੁੜਿਆ ਏ |
ਇੱਕ ਰਿਸ਼ਤਾ ਤੇਰਾ ਨੀ,
ਮੇਰੇ ਸਾਹ ਨਾ ਜੁੜਿਆ ਏ |
ਕੋਈ ਹਾਲ ਨਹੀ ਸਾਡਾ,
ਹਾਲੋਂ ਬੇਹਾਲ ਹਾਂ |
ਅਸੀਂ ਆਪਣੇਂ ਅੰਦਰ ਹੀ,
ਬਣੇ ਹੋਏ ਸਵਾਲ ਹਾਂ |
ਤੂੰ ਮੰਜਿ਼ਲ ਹੈਂ ਮੇਰੀ ,
ਰਿਸ਼ਤਾ ਰਾਹ ਨਾ ਜੁੜਿਆ ਏ |
ਇੱਕ ਰਿਸ਼ਤਾ ਤੇਰਾ ਨੀ,
ਮੇਰੇ ਸਾਹ ਨਾ ਜੁੜਿਆ ਏ |
ਮੈਂ ਰੁੱਖ ਨਦੀ ਕਿਨਾਰੇ ਨੀ,
ਜਿਸਦਾ ਕੋਈ ਸਹਾਰਾ ਨਾਂ |
ਮੈਂ ਉਹ ਮੰਜਿਲ ਸੱਜਣਾਂ,
ਜਿਸਦਾ ਕੋਈ ਕਿਨਾਰਾ ਨਾ |
ਜਿਉਂ ਰੁੱਖ ਦਾ ਰਿਸ਼ਤਾ ਨੀ,
ਉਹਦੀ ਛਾਂ ਨਾਲ ਜੁੜਿਆ ਏ |
ਇੱਕ ਰਿਸ਼ਤਾ ਤੇਰਾ ਨੀ,
ਮੇਰੇ ਸਾਹ ਨਾ ਜੁੜਿਆ ਏ |
ਇੱਕ ਝਾਕ ਜੇਹੀ ਰਹਿੰਦੀ,
ਕਿ ਉਹ ਆਵੇਗੀ ਵਿਹੜੇ |
ਉਹ ਵੱਜ-ਵੱਜ ਟੁੱਟ ਜਾਣੇਂ,
ਉਹਨੇਂ ਤਾਰ ਛੇੜੇ ਜਿਹੜੇ |
ਜਿਉਂ ਰਿਸ਼ਤਾ ਬਨੇਰੇ ਦਾ,
ਇੱਕ ਕਾਂ ਨਾਲ ਜੁੜਿਆ ਏ |
ਇੱਕ ਰਿਸ਼ਤਾ ਤੇਰਾ ਨੀ,
ਮੇਰੇ ਸਾਹ ਨਾ ਜੁੜਿਆ ਏ |
ਇੱਕ ਵਚਨ ਹੀ ਤਾਂ ਹੁੰਦੈ,
ਨੀ ਜੋ ਕਰਕੇ ਨਿਭਾਈਦੈ |
ਨੀ ਨੀਯਤ ਸੱਚੀ ਹੋਵੇ ਤਾਂ,
ਫਲ ਹਰ ਇੱਕ ਪਾਈਦੈ |
ਜਿਉਂ ਕੌਲ ਦਾ ਰਿਸ਼ਤਾ ਨੀ,
ਜੁਬਾਂ ਨਾਲ ਜੁੜਿਆ ਏ |
ਇੱਕ ਰਿਸ਼ਤਾ ਤੇਰਾ ਨੀ,
ਮੇਰੇ ਸਾਹ ਨਾ ਜੁੜਿਆ ਏ |
ਤੇਰੇ ਨਾਲ ਜੋ ਸਾਂਝ ਪਈ,
ਨੀ ਰੂਹਾਂ ਦੇ ਰਿਸ਼ਤੇ ਦੀ |
ਤੇਰੀਆਂ ਤੇ ਮੇਰੀਆਂ ਨੀ,
ਜੂਹਾਂ ਦੇ ਰਿਸ਼ਤੇ ਦੀ |
ਜਿਉਂ ਖੁਸੀ਼ ਦਾ ਨੀ ਰਿਸ਼ਤਾ,
ਚਾਅ ਨਾਲ ਜੁੜਿਆ ਏ |
ਇੱਕ ਰਿਸ਼ਤਾ ਤੇਰਾ ਨੀ,
ਮੇਰੇ ਸਾਹ ਨਾ ਜੁੜਿਆ ਏ |
ਜਿਉਂ ਕਦਮ ਦਾ ਰਸਤੇ ਦੇ,
ਨਾਲ ਮੇਲ ਹੋ ਗਿਆ ਏ |
ਉਵੇਂ ਚੰਨ ਚਾਨਣੀ ਅੰਦਰ,
ਜਾ ਕੇ ਫੇਲ ਹੋ ਗਿਆ ਏ |
ਦੁੱਖਭੰਜਨਾ ਧੜਕਨ ਦਾ ਰਿਸ਼ਤਾ,
ਜਿਉਂ ਰਗਾਂ ਨਾਲ ਜੁੜਿਆ ਏ |
ਇੱਕ ਰਿਸ਼ਤਾ ਤੇਰਾ ਨੀ,
ਮੇਰੇ ਸਾਹ ਨਾ ਜੁੜਿਆ ਏ |
