ਚੋਣ

ਰਜਨੀ ਵਾਲੀਆ, ਕਪੂਰਥਲਾ

ਮੈਂ ਚੋਣ ਕਰਨ ਬੈਠੀ,

ਮੈਥੋਂ ਚੋਣ ਵੀ ਨਾ ਹੋਈ |

ਮੇਰੇ ਖਿਆਲਾਂ ਵਿੱਚ ਆ ਕੇ,

ਚੈਨ ਲੈ ਗਿਆ ਕੋਈ |

ਚੋਣ ਵਿੱਚ ਪੈ ਕੇ ਆਪਾਂ,

ਦੋ ਤੋਂ ਚਾਰ ਨੈਣ ਕੀਤੇ |

ਮੇਰਾ ਹੱਜ ਹੋ ਗਿਆ ਨੀਂ,

ਜਦ ਦੀਦਾਰ ਨੈਣ ਕੀਤੇ |

ਮੇਰੀ ਰੂਹ ਦਾ ਓਹ ਰਾਂਝਾ,

ਮੇਰੇ ਸਿਦਕ ਦਾ ਸਲੀਕਾ |

ਨੀਂ ਮੈ ਅੱਗੇ ਕਿਵੇਂ ਜਾਣਾਂ,

ਉਸਨੂੰ ਆਂਵਦਾ ਤਰੀਕਾ |

ਓਹਨੇਂ ਇੱਕ ਰਮਜ ਸਮਝਾਈ,

ਮੈਨੂੰ ਕੋਲ ਮੇਰੇ ਬਹਿਕੇ |

ਸਾਡੇ ਰਿਸ਼ਤੜੇ ਧੁਰਾਂ ਦੇ,

ਓਹਨੇਂ ਲੁੱਟ ਲਿਆ ਕਹਿ ਕੇ |

ਓਹਦੀ ਅੱਖ ਰੋਜ਼ ਵਹਿੰਦੀ,

ਮੇਰਾ ਦੁੱਖ ਨਾ ਓਹ ਸਹਿੰਦੀ |

ਉਹਦੇ ਸਾਹ ਮੈਨੂੰ ਪਿਆਰੇ,

ਕਿਵੇਂ ਮੈਂਡਾ ਦੁੱਖ ਓਹ ਸਹਾਰੇ |

ਮੇਰਾ ਹੱਥ ਵੀ ਵਟਾਉਂਦਾ,

ਮੇਰੀ ਰੂਹ ਦੇ ਨੇੜੇ ਆਉਂਦਾ |

ਮੈਂ ਉਹਦੇ ਰੰਗ ਵਿੱਚ ਰੰਗੀ,

ਉਹਦੀ ਫਕੀਰੀ ਹੱਥੋਂ ਡੰਗੀ |

ਰਜਨੀਂ,

ਉਹਦੇ ਲਵੇ ਇਮਤਿਹਾਨ,

ਓਹ ਦੱਸੋ ਕਿੱਧਰੋਂ ਏ ਚੰਗੀ |